Sanoatda yangi quvvat: “O‘zmetkombinat” yiliga 300 ming tonna po‘lat zoldir sharlar ishlab chiqaradi

“O‘zmetkombinat” AJda yana bir muhim ishlab chiqarish loyihasi — Po‘lat zoldir prokatlash kompleksi foydalanishga topshirildi.Yangi kompleksda yirik sanoat korxonalari ehtiyoji uchun 40 va 50 millimetr diametrli, IV–V qattiqlik guruhiga mansub yuqori sifatli po‘lat zoldir sharlar ishlab chiqariladi.Umumiy yillik ishlab chiqarish quvvati 300 ming tonna po‘lat zoldir sharlarni tashkil etadi.Atigi to‘rt oyda amalga oshirilgan ushbu po‘lat zoldir sharlar ishlab chiqarish loyihasi — “O‘zmetkombinat”da olib borilayotgan tub o‘zgarishlar va yangi ishlab chiqarish sur’atining amaliy natijasidir.