“O‘zmetkombinat” xodimlari uchun malaka oshirish kurslari tashkil etildi

“O‘zmetkombinat” AJ xodimlarining kasbiy bilim va ko‘nikmalarini rivojlantirish maqsadida “Ishlab chiqarish jarayonlarini samarali boshqarish dasturi doirasida kasbiy kompetensiyalarini rivojlantirish” mavzusida malaka oshirish kurslari tashkil etildi.“BUSINESS SCIENCES” nodavlat ta’lim muassasasi bilan hamkorlikda “Bekobod maxsus o‘quv markazi” MChJda tashkil etilgan mashg‘ulotlarga kombinatning turli tarkibiy bo‘linmalaridan ikki guruhda jami 36 nafar xodim jalb qilindi. O‘quv dasturi xodimlarning ishlab chiqarish jarayonlarini samarali boshqarish bo‘yicha bilimlarini mustahkamlash va kasbiy kompetensiyalarini oshirishga qaratilgan.