PO‘LAT SIMLARGA TALAB KATTA.

Bosh sahifa / Axborot xizmati / Yangiliklar / Kundalik yangiliklar

12.02.2025 12.02.2025 221

Uchastkada ishlab chiqarilayotgan tayyor mahsulotlar sifati va xaridorgirligi bilan iste’molchilar e’tiborini tortadi. Ma’lumki, bu yerda ishlab chiqarilayotgan mahsulotlar qurilishlarda keng qo‘llaniladi. Shu sababli po‘lat simlarga talab katta. Uchastka ishchi-xodimlari oshib borayotgan ehtiyojni hisobga olib o‘zlariga belgilangan vazifalarini sidqidildan bajarib kelyaptilar.

Joriy yilning dastlabki oyida jamoa 332 tonna mahsulot ishlab chiqarib, rejani 111 foizga ado etdi. Yanvar oyida uchastkada diametri 6,3 mm. po‘lat simlardan 82 tonna, diametri 8,0 mm. po‘lat simlardan 131 tonna, “Vr-1” diametri 5,0 mm bo‘lgan po‘lat simlardan 29 tonna, “Vr-1” diametri 4,0 mm bo‘lgan po‘lat simlardan 31 tonna ishlab chiqarildi. Fevral oyining 12 sanasigacha bo‘lgan davrda jamoa 123 tonna mahsulot ishlab chiqardi. Bu shu kungacha bo‘lgan topshiriqning 104 foizni tashkil etadi.

Jamoada erishilayotgan mehnat yutuqlarida Otabek Hamdamov boshchiligidagi 3-brigadaning munosib hissasi bor. Sim tortuvchilardan Otabek Soriyev, Azizbek Parpiyev, Fozil Jonjigitov, Komil Qambaraliyev kabilar mehnatda boshqalarga ibrat bo‘lishmoqda.