NAVRO‘Z BAYRAMIGA BAG‘ISHLANGAN SPARTAKIADA

Bosh sahifa / Axborot xizmati / Yangiliklar / Kundalik yangiliklar

21.03.2025 21.03.2025 44

20-mart kuni "Metallurg" sport sog‘lomlashtirish majmuasida "O‘zmetkombinat" AJ xodimlari o‘rtasida Navro‘z bayramiga bag‘ishlangan an’anaviy spartakiada bo‘lib o‘tdi. Kombinat Kasaba uyushmasi qo‘mitasi tashabbusi bilan tashkillashtirilgan musobaqada metallurglar tosh ko‘tarish, milliy kurash va ayollar o‘rtasida 100 metrga yugurish bo‘yicha bellashdilar.
Ayollar o‘rtasida 100 metrga yugurish musobaqasi spartakiadaning eng qiziqarli musobaqalaridan biri bo‘ldi. Qizg‘in kechgan bahsda Ijro apparati vakili Nadejda Boksgorn g‘alaba qozondi. Ikkinchi o‘rinni Energetika bo‘limidan Nilufar Gulmurodova qo‘lga kiritgan bo‘lsa, uchinchi o‘rinni Xalq iste’moli mollari ishlab chiqarish bo‘limi vakilasi Manzura Eshmurodova egalladi.
Tosh ko'tarish bo‘yicha musobaqalar uchta vazn toifasida o‘tkazildi.
- 70 kg vazn toifasida ferroqotishmalar ishlab chiqarish bo‘linmasidan Sharofiddin Uzoqboyev birinchi bo‘ldi. Ikkinchi o‘rinni Temir yo‘l xizmatidan Norali Abdullayev, uchinchi o‘rinni esa Navli prokatlash bo‘linmasidan Sodiqjon Yunusov egalladi.
- 80 kg vazn toifasida Temir yo‘l xizmatidan Ne’matjon Hakimovga teng keladigani topilmadi. Ikkinchi o‘rinni Metallurgiya uskunalarini ta’mirlash bo‘linmasidan Abdulla Mahkamov, uchinchi o‘rinni Rangli metallar ishlab chiqarish bo‘linmasidan Ilhom Karimov egalladi.
- 90+ kg vazn toifasida Temir-tersak parchalarini qayta ishlash bo‘linmasidan Dilshod Asqarov g‘olib bo‘ldi. Ikkinchi o‘rinni Zoldir prokatlash bo‘linmasidan Nodir Abduqodirov, uchinchi o‘rinni Zoldir prokatlash bo‘linmasidan Farruh Alimov egalladi.

O‘zbek milliy kurash musobaqasi ham tomoshabinlarda alohida qiziqish uyg‘otdi.
- 70 kg vazn toifasida Navli prokatlash bo‘linmasidan Erkin G‘aniyev chempion bo‘ldi. Kumush medalni Ijroiya apparatidan A.Abdurahmonov qo‘lga kiritgan bo‘lsa, bronza Energetika bo‘linmasidan Sh.Jalilovga nasib etdi.
- 80 kg vazn toifasida oltin medalni Ijroiya apparatidan Baxtiyor Odilov, ikkinchi o‘rinni Navli prokatlash bo‘linmasidan Haydarali Abduraimov, uchinchi o‘rinni quvvat ta’mirlash bo‘linmasidan A. Dadaboyev qo‘lga kiritdi.
- 90+ kg vazn toifasida Navli prokatlash bo‘linmasidan Sarvar Do‘smatov g‘olib bo‘ldi. Ikkinchi o‘rin Zoldir prokatlash bo‘linmasidan Arsen Toirovga, uchinchi o‘rin Navli prokatlash bo‘linmasidan O‘tkir G‘ozibekovga nasib etdi.
Barcha g‘olib va sovrindorlar diplom va qimmatbaho sovg‘alar bilan taqdirlandi.