DAVRA SUHBATI BO‘LIB O‘TDI

Bosh sahifa / Axborot xizmati / Yangiliklar / Kundalik yangiliklar

27.03.2025 27.03.2025 96

“O‘zmetkombinat” AJ xodimlarida korrupsiyaga nisbatan murosasiz munosabatni shakllantirish, ularning huquqiy ongi va madaniyatini yuksaltirish, “O‘zmetkombinat” AJ da “2025-yil davomida korrupsiyaga qarshi kurashish sohasida amalga oshiriladigan chora-tadbirlar” dasturi ijrosini ta’minlash maqsadida 26-mart kuni kombinat Ijroiya apparati majlislar zalida Komplayens xizmati tomonidan davra suhbati tashkillashtirildi.
Tadbirda Toshkent viloyati Bekobod shahar prokurori o‘rinbosari A’zam Nurutdinov “Korrupsiyaga qarshi kurashish to‘g‘risida”gi qonun qabul qilingandan so‘ng O‘zbekistonda davlat sektorida korrupsiyaning oldini olish borasidagi sa’y-harakatlar ikki baravar oshirilganligi, ushbu maqsadga erishish uchun xalqaro hamkorlik kengaytirilganligi, O‘zbekistonda korrupsiyaga qarshi kurash davlat siyosatining ustuvor yo‘nalishlaridan biriga aylanib ulgurganligini ta’kidladi. Buni so‘nggi yillarda korrupsiyaning oldini olishga qaratilgan ma’muriy islohotlar misolida mazkur sohada qabul qilingan konseptual me’yoriy hujjatlar asosida baholash mumkinligi, Mamlakatimizda korrupsiyaga qarshi kurashning samarali mexanizmi, jumladan, huquqiy baza va institutsional asos yaratilganligi, Davlat va jamiyat qurilishining barcha tarmoqlarida korrupsiyaga qarshi kurashishga qaratilgan 70 dan ortiq me’yoriy-huquqiy hujjatlar mazkur islohotlarni amalga oshirishda mustahkam asos bo‘layotganligini to‘g‘risida ma’ruza qildi.

Korporativ iqtisodiy xavfsizlikni ta’minlash bo‘limi boshlig‘i Anvar Shavkatov o‘z ma’ruzasida barcha sohalar qatori Kombinat, uning tarkibiy va hududiy bo‘linmalarida manfaatlar to‘qnashuvi kabi illatlarini yo‘q qilish va uning rivojlanishiga yo‘l qo‘ymaslik maqsadida korrupsiyaviy holatlarni o‘z vaqtida aniqlash, oldini olish, ularga chek qo‘yish, uning oqibatlarini, shuningdek, unga imkon beruvchi sabab va shart-sharoitlarni bartaraf etish muhim vazifalardan biri ekanligini, ayniqsa, korrupsiyaga qarshi kurashishda uni keltirib chiqaruvchi omillarni bartaraf qilish, ya’ni uning oldini olishga qaratilgan harakatlar vaqt va natijadorlik nuqtayi nazaridan ancha samarali hisoblanishini, shu bois, kombinatda korrupsiyaga qarshi qaratilgan tashkiliy asoslarni yaratish, mavjudlarini zamon talablari asosida takomillashtirish va unga qat’iy rioya qilish, zarur ma’naviy-ma’rifiy tadbirlarni, shu jumladan fuqarolarning ushbu sohadagi bilimini oshirishga qaratilgan chora-tadbirlarni amalga oshirish kutilgan natijalarga erishishga imkon yaratishini ta’kidladi.

Bekobod shahar Ichki ishlar bo‘limining tashkiliy bo‘linmasi boshlig‘i mayor Hamidulla Alimov o‘z ma’ruzasida Firibgarlik bu – o‘zganing mulkini yoki mulkiga bo‘lgan huquqini aldash yoki ishonchni suiiste’mol qilish yo‘li bilan qo‘lga kiritish ekanligini ta’kidlab, “Joriy yilning I choragida ikki mingtadan uch mingtagacha kiber firibgarlik jinoyatlari sodir etilganligi, hozirda asosiy e’tiborni aholini moliyaviy savodxonligini oshirish ishlariga qaratilayotganligini aytib o‘tdi. Shuningdek, odamlarga firibgarlar: “Markaziy bankdanman”, deb qo‘ng‘iroq qilsa, aholi “Markaziy bank kredit bilan shug‘ullanarkan”, deb o‘ylab aldanib qolayotganligi va telefoniga kelgan kodlar va “dostup”ni firibgarlarga berib qo‘yayotganligini ta’kidlab, bu yo‘nalishlar bo‘yicha tavsiyalar va ko‘rsatmalar berdi.

Korporativ iqtisodiy xavfsizlikni ta’minlash bo‘limi yetakchi mutaxassisi Bektosh Abduraimov kombinatimiz o‘z mahsulotlaridan (tovarlar, ishlaridan va xizmatlaridan) jinoyatdan olingan daromadlarni legallashtirish (yuvish) va terrorizmni moliyalashtirish maqsadida foydalanishning oldini olish tamoyiliga sodiqligini, shuningdek, jinoyatdan olingan daromadlarni legallashtirish kabi mavzularda atroflicha ma’lumotlar berib o‘tdi.

		0 (0 ovoz)

Biz haqimizda

Korporativ boshqaruv

Investorlarga

Atrof-muhit va ISTB

Ishlab chiqarish

Axborot xizmati

Aloqalar

0