KONCHILIK VA METALLURGIYA SANOATI XODIMLARI KUNI OLDIDAN

O‘tgan asrning 50-60-yillarida O‘zbekiston metallurgiya zavodida  ishlar juda ham og‘ir edi. Hozirda faqat mehnat faxriylarigina zavoddagi texnikalar holatini eslay olishadi, xolos. Yillar o‘tgan sayin ular ham kam qolayotir.
Temir-tersaklarni yuklash qo‘l kuchi bilan bajarilib, vagonlar estakadadan ish maydonchasiga qadar chig‘iriq usulida olib chiqilar edi. Shixta va kanavada ishlovchilar ham po‘lat erituvchilarga temir parchalarini pechga tashlashga yordam berishardi. Xomashyoni, ya’ni qora metall chiqitlarini pechga tashlashga 5 soat vaqt ketar edi. 8-10 soat davomida esa eritma tayyor bo‘lardi. Uni quyib olish uchun esa 2-3 soat zarur bo‘lar edi. Natijada bitta po‘lat eritmasini olish 18 soatgacha davom etar edi.  
Ota-bobolarimizning o‘sha og‘ir yillardagi mehnatlari, amalga oshirgan ishlari haqiqatan ham jasorat edi.