ASOSIY MEZON – SIFAT VA ANIQLIK

“O‘zmetkombinat” AJning barcha tarkibiy bo‘linmalarining texnologik uskunalari, shuningdek, yuk ko‘tarish mexanizmlarining uzluksiz ishlashini ta’minlashda Quyuv-mexanika bo‘linmasi muhim rol o‘ynaydi. Bu yerda zarur ehtiyot qismlar mexanik ishlov berish yo‘li bilan ishlab chiqariladi. 

40 kishiga yaqin ixcham jamoaga ega bo‘linmada ishlar bir daqiqaga ham to‘xtamaydi. Bugungi kunda jamoa ishlab chiqarishning har bir bosqichida yuqori sifat va aniqlikni ta’minlab, Zoldir prokatlash bo‘linmasi uchun valklar tayyorlash ustida ishlamoqda. Bo‘linmaning alohida g‘ururi uning tajribali va fidoyi mutaxassislaridir. Rahbariyat tokarlar Oybek Mamarasulov, Po‘lat Tojiboyev, Sherzod Jabborov, Murod Berdiyev, Ikrom Jabborov, shuningdek, frezerlovchi Sherzod Habibullayevning ko‘p yillik benuqson mehnatini alohida ehtirom bilan e’tirof etmoqda. Ushbu o‘z kasbining ustalari detallarni  o‘z vaqtida va sifatli ishlab chiqarishga katta hissa qo‘shib, yuqori kasb mahoratini namoyish etmoqdalar. Ana shunday malakali mutaxassislar kombinatning texnologik jihozlarining ishonchli va uzluksiz ishlashini ta’minlashga o‘z hissalarini qo‘shib, bo‘linmaning ishlab chiqarish muvaffaqiyati uchun mustahkam poydevor yaratadilar