+998 71 514-14-62
Sahifa bölimlari

TALABALAR “O‘ZMETKOMBINAT” AJ MUZEYIDA

TALABALAR “O‘ZMETKOMBINAT” AJ MUZEYIDA
1 / 3

Bugun “O‘zmetkombinat” AJ muzeyi Guliston davlat universiteti talabalari va o‘qituvchilarini qabul qildi. Ular uchun bu tashrif nafaqat ekskursiya, balki mamlakatdagi yirik metallurgiya korxonasining shakllanish va rivojlanish tarixi bo‘ylab qiziqarli sayohat bo‘ldi.

Tashrif buyurganlar muzeydagi eksponatlar, vaqt o‘tishi bilan sarg‘aygan quruvchilarning suratlari, arxiv hujjatlari hamda kombinat rivojlanish bosqichlarini aks ettiruvchi axborot stendlarini katta qiziqish bilan tomosha qildilar. Ayniqsa, ishlab chiqarish obyektlarining maketlari korxonaning miqyosi va qudratini yaqqol tasavvur etish imkonini berdi.

Bunday uchrashuvlar yoshlar uchun sanoat tarixini yaxshi bilish, shuningdek, har bir surat va eksponat ortida metallurglar avlodlarining mehnatlari, fidoyiliklari mujassam ekanini his etish imkonini beradi.

0.000 ta baho
Maqolani baholang
← Yangiliklarga qaytiş