“O‘ZMETKOMBINAT” AJ DELEGATSIYASI HINDISTON RESPUBLIKASIDA XIZMAT SAFARIDA BOʻLIB TURIBDI
“Oʻzmetkombinat” AJ delegatsiyasi Boshqaruv raisi - Bosh direktor Bahodir Abdullayev rahbarligida hozirda Hindiston Respublikasida xizmat safarida boʻlib turibdi. Tashrif davomida u Baka Bara shahrida joylashgan PVJ (Pelletized Value-Added Iron, ya’ni DRI – to‘g‘ridan-to‘g‘ri temir) ishlab chiqarish zavodining faoliyati bilan yaqindan tanishdi.
Mazkur korxona aylanma pechlarda (rotatsion pechlarda) ko‘mir asosida DRI ishlab chiqarish texnologiyasini qo‘llaydi. Bu usul energiya samaradorligi va chiqindi gazlar miqdorini kamaytirish jihatidan zamonaviy metallurgiya sanoatida eng ilg‘or yechimlardan biri sanaladi.
Tashrifning asosiy maqsadi xalqaro tajriba almashish, yangi texnologiyalarni o‘rganish va ularni “O‘zmetkombinat” ishlab chiqarish jarayonlariga tatbiq etish imkoniyatlarini baholashdan iborat.
Bu tashrif “O‘zmetkombinat”ning xomashyo ta’minotiga oid muammolarni hal etishda ham muhim ahamiyat kasb etadi.