AKSIYADORLARINING NAVBATDAN TASHQARI UMUMIY YIG‘ILISHI

Bosh sahifa / Axborot xizmati / Yangiliklar / E`lonlar

18.02.2026 18.02.2026 136

“O‘zmetkombinat” AJ aksiyadorlari diqqatiga!

Toshkent viloyati, Bekobod shahri, Sirdaryo ko‘chasi, 1-uyda joylashgan “O‘zbekiston metallurgiya kombinati” aksiyadorlik jamiyati 2026-yil 23-fevral kuni soat 11:00 da aksiyadorlarining navbatdan tashqari umumiy yig‘ilishini (internet orqali onlayn rejimda, masofadan turib yig‘ilishni olib borish imkonini beruvchi http://evote.uz/ manzilidagi “eVOTE” – Elektron ovoz berish xizmatidan foydalaniladi) Bekobod shahri, Istiqbol ko‘chasi, 1-uyda “Metallurglar madaniyat uyi”da o‘tkazilishini ma’lum qiladi.

Aksiyadorlarning reyestrini shakllantirish sanasi:

- aksiyadorlarni xabardor etish uchun – 2026-yil 24-yanvar;

- aksiyadorlar ishtiroki uchun – 2026-yil 17-fevral.

KUN TARTIBI:

“O‘zbekiston metallurgiya kombinati” aksiyadorlik jamiyati aksiyadorlarining navbatdan tashqari umumiy yig‘ilishi reglamentini va Sanoq komissiyasi tarkibini tasdiqlash.
“O‘zbekiston metallurgiya kombinati” aksiyadorlik jamiyatining yangi tashkiliy tuzilmasini tasdiqlash.
“O‘zbekiston metallurgiya kombinati” aksiyadorlik jamiyati aksiyadorlarining navbatdan tashqari umumiy yig‘ilishi qarori bilan maʼqullangan yirik bitim shartlariga o‘zgartirish kiritish.
“O‘zbekiston metallurgiya kombinati” aksiyadorlik jamiyatining “Ikkilamchiqorametallar” hududiy filiallari negizida ajratib chiqarish yo‘li bilan qayta tashkil etish orqali shuʼba xo‘jalik jamiyatlarini tashkil etish, ajratib chiqarish tartibi va shartlarini belgilash hamda taqsimlash balanslarini tasdiqlash.
“O‘zbekiston metallurgiya kombinati” aksiyadorlik jamiyatining ustav kapitalini kamaytirish.
“O‘zbekiston metallurgiya kombinati” aksiyadorlik jamiyatining 2023-yil 5-mayda R0148-15-son bilan ro‘yxatga olingan qo‘shimcha aksiyalarini chiqarish to‘g‘risidagi qaroriga o‘zgartirishlar kiritish va o‘zgartirishlar matnini tasdiqlash.
“O‘zbekiston metallurgiya kombinati” aksiyadorlik jamiyatining yangi tahrirdagi Ustavini tasdiqlash.

Aksiyadorlar va ularning vakillari 2026-yil 23-fevral kuni soat 9:30 dan 10:30 gacha ro‘yxatdan o‘tkaziladi. Aksiyadorlardan shaxsini tasdiqlovchi xujjatga, aksiyador vakilidan qonunchilikka asosan rasmiylashtirilgan ishonchnomaga ega bo‘lishlari so‘raladi[1].

Aksiyadorlarning navbatdan tashqari umumiy yig‘ilishiga doir axborotlar (materiallar) bilan Toshkent viloyati, Bekobod shahri, Sirdaryo ko‘chasi, 1-uyda joylashgan “O‘zmetkombinat” AJning Korporativ munosabatlar boshqarmasida tanishish mumkin.

O‘zbekiston Respublikasining “Aksiyadorlik jamiyatlari va aksiyadorlarning huquqlarini himoya qilish to‘g‘risida”gi Qonuni 40-moddasiga asosan ovoz beruvchi aksiyalarning egalari bo‘lgan aksiyadorlar jamiyatni qayta tashkil etish to‘g‘risida aksiyadorlarning umumiy yig‘ilishi tomonidan qarorlar qabul qilishda, agar ular qarshi ovoz bergan bo‘lsa yoxud ovoz berishda uzrli sabablarga ko‘ra ishtirok etmagan bo‘lsa, o‘zlariga tegishli aksiyalarning hammasi yoki bir qismi jamiyat tomonidan qaytarib sotib olinishini talab qilishga haqlidir.

Aksiyalarni qaytarib sotib olish narxi aksiyadorlarning umumiy yig‘ilishi to‘g‘risidagi xabar eʼlon qilingan kundagi bozor qiymati bo‘yicha belgilanadi.

Aksiyadorning o‘ziga tegishli aksiyalarni qaytarib sotib olish to‘g‘risidagi yozma talabi aksiyadorning qaytarib sotib olinishini talab qilayotgan aksiyalar soni ko‘rsatilgan holda info@uzbeksteel.uz elektron pochta manziliga aksiyadorlar umumiy yig‘ilishining tegishli qarori qabul qilingan kundan eʼtiboran o‘ttiz kundan kechiktirmay yuboriladi.

Qo‘shimcha ma’lumot uchun:

Korporativ veb-sayt: www.uzbeksteel.uz

Telefon: +998 71 514 13 86 (ichki raqam: 10-46, 13-22)

Elektron pochta manzili: s.alikulov@uzbeksteel.uz

[1] Aksiyadorning vakili aksiyadorlarning umumiy yig‘ilishida yozma shaklda tuzilgan ishonchnoma asosida ish yuritadi. Ovoz berishga doir ishonchnomada vakolat bergan va vakil qilingan shaxs to‘g‘risidagi ma’lumotlar (ismi-sharifi yoki nomi, yashash joyi yoki joylashgan yeri, pasportiga yoki identifikatsiyalovchi ID-kartasiga oid ma’lumotlar) bo‘lishi lozim. Jismoniy shaxs nomidan berilgan ovoz berishga doir ishonchnoma notarial tartibda tasdiqlangan bo‘lishi kerak. Yuridik shaxs nomidan ovoz berishga doir ishonchnoma uning rahbarining imzosi va ushbu yuridik shaxsning muhri bilan (muhr mavjud bo‘lgan taqdirda) tasdiqlangan holda beriladi. Agar jamiyatning aksiyasi bir nechta shaxsning umumiy ulushli mulkida bo‘lsa, aksiyadorlarning umumiy yig‘ilishida ovoz berish vakolatlari ularning xohishiga ko‘ra umumiy ulushli mulk ishtirokchilaridan biri yoki ularning umumiy vakili tomonidan amalga oshiriladi. Ko‘rsatib o‘tilgan har bir shaxsning vakolatlari tegishli tarzda rasmiylashtirilgan bo‘lishi kerak – O‘zbekiston Respublikasining “Aksiyadorlik jamiyatlari va aksiyadorlarning huquqlarini himoya qilish to‘g‘risida”gi Qonuni 67-moddasi.

		5.00 (1 ovoz)

SAYT XARITASI

BIZ HAQIMIZDA

KORPORATIV BOSHQARUV

INVESTORLARGA

BARQAROR RIVOJLANISH

ISHLAB CHIQARISH

AXBOROT XIZMATI

ALOQALAR

INTERAKTIV XIZMATLAR

BO'SH ISH O'RINLARI

ONLAYN KUTUBXONA

IJROIYA APPARATI

O`zbekiston Respublikasi, Toshkent viloyati, Bekobod shahri, Sirdaryo ko`chasi

Info@uzbeksteel.uz

Ishonch telefoni

+99871 913-16-02

Ofis menedjeri

	+998 71 514-14-23
	+998 71 514-13-78

ALOQALAR

Sotuv bo`limi:

	+99 890 902 71 02
	+99 871 514 16 94

Mijozlar bilan ishlash:

Info@uzbeksteel.uz

AXBOROT XIZMATI

O`zbekiston Respublikasi, Toshkent viloyati, Bekobod shahri, Sirdaryo ko`chasi

Info@uzbeksteel.uz

Korrupsiyaga qarshi kurash

Huquqbuzarliklar haqida tezkor xabar berish kanallari:

	+99871 514 19 17
	+99890 998 67 20
	Ichki raqam: 17-07
	compliance@uzbeksteel.uz
	@UMK_ANTICOR_BOT

stat.uz

Foydalanuvchi ushbu web-saytidagi axborot materiallaridan foydalanganda majburiy havolalar www.uzbeksteel.uz korporativ web-saytidan deb ko’rsatishi talab etiladi.

Savol berish

Online maslahatchi

Operator Assalomu alaykum. Sizda qanday savol bor?

Biz haqimizda

Korporativ boshqaruv

Investorlarga

Atrof-muhit va ISTB

Ishlab chiqarish

Axborot xizmati

Aloqalar

5.00