“O‘zmetkombinat” AJning “Quyuv prokatlash majmuasini qurish” loyihasi bo‘yicha ma'lumot.

Open index

Biz haqimizda

Korporativ boshqaruv

Investorlarga

Ishlab chiqarish

Axborot xizmati

Aloqalar

Bosh sahifa / Ishlab chiqarish / Investitsion loyihalar

“O‘zmetkombinat” AJning “Quyuv prokatlash majmuasini qurish” loyihasi bo‘yicha ma'lumot.

03.12.2024 03.12.2024 74

Asos: O‘zbekiston Respublikasi Prezidentining “O‘zbekiston Respublikasining 2023 — 2025 yillarga mo‘ljallangan investitsiya dasturini amalga oshirish chora-tadbirlari to‘g‘risida”gi PQ-459-son qarori.

Loyihaning quvvati: yillik 1 040 ming tonna issiq holatda prokatlangan po‘lat list o‘ramlarini ishlab chiqarish.

Loyiha qiymati: 799.7 mln. dollar.

Moliyalashtirish manbai: Mahalliy tijorat banklar kreditlari, Tiklanish va taraqqiyot jamg‘armasi va xorijiy bank krediti.

Moliyalashtiradigan davlatlar va banklar nomlari: O‘zbekiston – “Ipoteka-bank” ATIB, “O‘zmilliybank” AJ, “Tiklanish va Taraqqiyot Jamg‘armasi”.

Xorijiy hamkor: “Danieli” (Italiya), “Ronesans Avrasya” (Turkiya).

Joylashgan manzili: Toshkent viloyati, Bekobod shaxri. “O‘zmetkombinat” AJ.

Xomashyo bazasi: “Tebinbuloq” temir koni rudalarini kayta ishlash hisobiga ishlab chiqariladigan temir tarkibli mahsulot (PVJ/DRI).

Yaratiladigan ish o‘rni: 1 295 ta.

Elektr energiyasi sarfi: yiliga 693,3 ming MVt/s.

Gaz iste’moli xajmi: yiliga 38,1 mln m3.

Tovar mahsulot: 7 794.4 mlrd so‘m

Eksport ko‘rsatkichlar: 54,9 mln. dollar.

Loyihani amalga oshirish muddatlari: 2020-2024 yillar.

Loyihani amalga oshirishdan maqsad: po‘lat konstruksiya ishlab chiqaruvchilar, sovuq holatda prokatlangan listlarni ishlab chiqaruvchilar kabi xaridorlarga import o‘rnini bosuvchi tovar yetkazib berish orqali respublikaning issiq holatda prokatlangan po‘lat list o‘ramlariga bo‘lgan talabini qoplash.

Bosh pudrat korxona nomi: «Ronesans Avrasya» (Turkiya), «Danieli Construction» (Italiya), «Danieli & C. Officine Meccaniche» (Italiya), «Danieli Germany» (Germaniya), «AVIC» (XXR), «Henan Zoke Crane» (XXR), «Shanghai Sunshine Industrial Co., Ltd» (XXR), «Enter Steel» (O‘zbekiston), «DAL Heavy Industries» (O‘zbekiston), «O‘zmetkombinat» AJ (O‘zbekiston).

Shartnoma raqami va sanasi: «Ronesans Avrasya» (Turkiya) 2745 01/03/08/2019 - sonli 09.12.2019y., «Danieli Construction» (Italiya) 1815-48/2020 – sonli 30.09.2020y., «Danieli & C. Officine Meccaniche» (Italiya) 25012019 – sonli 25.01.2019y., «Danieli Germany» (Germaniya) 26012019 – sonli 25.01.2019y., «AVIC» (XXR) Lots-50912-22HW868653 – sonli 28.04.2022y., «Henan Zoke Crane» (XXR) 3396-01/03/03/01/2022 – sonli 08.06.2022y., «Shanghai Sunshine Industrial Co., Ltd» (XXR) 2513-48/2023 - sonli 08.05.2023y.

2024 yil 1 dekabr holatiga o‘zlashtirish: 138 mln. dollar. Joriy yilning yanvar- noyabr holatiga 138 mln dollar kapital mablag‘lar o‘zlashtirildi, shundan: qurilish-montaj ishlari 73,2 mln. dollar, asbob uskunalar 60,2 mln. dollar. 2024 yil 1 dekabr holatiga moliyalashtirish: 137,1 mln. dollar.

Loyihada amalga oshirilayotgan ishlar: Mazkur loyihani amalga oshirish doirasida texnologik uskunalarni yetkazib berish uchun “Danieli” (Italiya) kompaniyalar guruhi bilan jami qiymati 359,3 mln yevrolik va qurilish ishlari uchun “Ronesans Avrasya” (Turkiya) kompaniyasi bilan 170,0 mln yevrolik shartnomalar imzolangan. “Ronesans Avrasya” (Turkiya) kompaniyasi bo‘yicha kombinat tomonidan 190,9 mln. yevro to‘lovlar amalga oshirilgan. Shu bilan birga, “Ronesans Avrasya” kompaniyasi tomonidan qurilish montaj ishlariga 1 615 nafar ishchi-xodim jalb etilgan bo‘lib, 287 nafari muhandis-texnik xodimlar hamda 98 ta texnikalar jalb qilingan.

Shuningdek, qurilish maydonida “Ronesans Avrasya” kompaniyasi tomonidan quyidagi ishlar amalga oshirilmoqda:

- texnologiya poydevorlarini o‘rnatish;

- po‘lat konstruksiyalarini montaj qilish;

- birlamchi zang tindirish hovuzida temir-beton ishlari;

- ishchi hujjatlarni ishlab chiqish. to‘lov “Danieli” (Italiya) kompaniyalar guruhi bo‘yicha jami 305,0 mln yevro miqdorida amalga oshirildi va 255,3 mln yevro yoki 95,0 foiz texnologik uskunalar kombinatga keltirildi. Qiymati 20,6 mln yevro bo‘lgan asosiy texnologiya uskunalari uchun injiniring 100 % ishlab chiqildi. Jami 2,58 mln yevro yordamchi uskunalar va ehtiyot qismlar ishlab chiqildi. injiniring loyihasining 100 foizi “Danieli” (Italiya) kompaniyalar guruhi montaj jamoasi bosqichma – bosqich qurilish maydonchasiga safarbarlik jarayoni davom etmoqda va kerakli texnikalarning aksariyat qismi qurilish maydonchasiga keltirildi. Hozirgi kunga qadar qurilish maydonchasida 52,2 mln yevro yoki 93,8 % (jami 55,9 mln yevro) miqdorida montaj ishlari amalga oshirildi.

“O‘zmetkombinat” AJ tomonidan bajarilayotgan ishlar bo‘yicha Qurilish-montaj bo‘linmasi tomonidan quyidagi ishlar amalga oshirildi:

- ob’ekt qurilishi uchun 18,5 gektar yer maydonini ajratish bo‘yicha tegishli qarorlar rasmiylashtirildi;

- 893 m3 dan oshiq hajmda temirbeton konstruksiyalari o‘rnatildi;

- qurilish maydonlaridagi 8 ta mavjud yordamchi sex, bino va inshootlar to‘liq demontaj qilindi;

- kombinat ichki logistika samaradorligini oshirish va yuk avtomobillarining uzluksiz oqimini ta’minlash maqsadida “Dalvarzin” kanali orqali yangi ko‘prik hamda 6-son yangi nazorat-o‘tkazish punkti qurildi;

- qurilish maydonlarida muxandislik-geologiya ishlari to‘liq nihoyasiga yetkazildi;

- 3-son temir parchalarini tayyorlash estakadaning to‘liq demontaji yakunlandi, jumladan, barcha ustunlar, plitalar, kranosti ustunlar va galereyalar (o‘tish joylari) to‘liq demontaj qilindi;

- ma’muriy korpus bo‘yicha umumiy qurilish ishlari 100 foizi bajarildi;

- maishiy korpus bo‘yicha umumiy qurilish ishlari 70 foizi bajarilgan bo‘lib, hozirgacha bino qad rostlab tom qismi yopilgan, yakunlash ishlari loyihaning so‘nggi bosqichlarida rejalashtirilgan;

- oshxona qurilishi bo‘yicha ishlar to‘liq yakunlanib, pudratchiga vaqtincha foydalanish uchun topshirilgan;

- 814 metrli yangi temir yo‘l to‘liq qurib bitkazilib, foydalanishga topshirilgan;

- markazlashgan ombor bo‘yicha qurilish-montaj ishlari 100 foizi bajarilgan bo‘lib, ko‘prikli kranlar yetkazib berilgan va tashqi kommunikatsiya tortilishi ishlari amalga oshirilmoqda. Ayni vaqtda ushbu binodan “Danieli” kompaniyalar guruhi tomonidan yetkazib berilgan uskunalarni saqlash ombori sifatida foydalanilmoqda;

- Bekobod shahri ostonasidan kombinat hududiga eltuvchi, uzunligi 1,2 km bo‘lgan yangi avtomobil yo‘li qurilishi to‘liq yakuniga yetkazilib, foydalanishga topshirildi;

- “Sirdaryo” IESdan “O‘zmetkombinat” AJga qarashli “Metallurgiya” va “Pechnaya” nimstansiyalarigacha uzunligi 23 km bo‘lgan yangi ikki zanjirli yuqori kuchlanishli elektr uzatish liniyalari qurilishi ishlari 100 foizga amalga oshirilgan bo‘lib, hozirgi kunda “Metallurgiya” nimstanitsiyasiga himoya vositalarini o‘rnatish loyihasini ishlab chiqilib, “Metallurgiya” va “Pechnaya” 4 nimstansiyalarini kengaytirish ishlari olib borilmoqda;

- po‘lat konstruksiyalarni yetkazib beruvchi kompaniyani tanlab olish uchun elektron tender savdolari natijalariga ko‘ra “Enter steel” MChJ g‘olib deb topildi. Kompaniyaning umumiy ish hajmi 10,2 ming tonna po‘lat konstruksiyalarini yetkazib berish uchun 337,8 mlrd so‘mlik shartnoma imzolandi va 227,8 mlrd so‘m miqdorida avans mablag‘lari o‘tkazildi, 10 279,66 tn konstruksiyalar yetkazib berildi. “Ronesans Avrasya” va “DAL HEAVY” kompaniyalari o‘rtasidagi o‘zaro huquq va majburiyatlar, alohida shartnoma doirasida, “Ronesans Avrasya” kompaniyasi zimmasidan “O‘zmetkombinat” AJ zimmasiga o‘tkazildi va natijada “DAL HEAVY” kompaniyasi “Tayyor maxsulotlar saqlash ombori”, “Prokatlash vallariga mexanik ishlov berish ustaxonasi” hamda “Tunnel pechi” binolari uchun po‘lat konstruksiyalar yetkazib berish majburiyatini oldi. Hozirgi kunga qadar 3 586,5 tonna po‘lat konstruksiyalar yetkazib berildi. Bundan tashqari, kombinatga qarashli Po‘lat konstruksiyalar ishlab chiqarish sexi tomonidan “Prokatlash stani” uchun 1 456,12 tn (100%), 2 va 3 binolar uchun 2 407,0 tn (94,39%) po‘lat konstruksiyalar ishlab chiqarildi.

- havo ajratish uskunasini yetkazib berish va montaj qilish bo‘yicha tender xujjatlari bo‘yicha “Loyihalar va import shartnomalarni kompleks ekspertiza qilish” DUKning ijobiy xulosasi olindi va 2022 yilning 15 martdan 2022 yilning 8 aprel sanasigacha 50912 – sonli lot, 14,1 mln yevro boshlang‘ich narx bilan elektron tender savdolari e’lon qilindi. Tender natijasiga ko‘ra, Xitoyning AVIC kompaniyasi 12,7 mln yevro taklif bilan texnik va tijoriy tomonlama g‘olib deb topilib yuqoridagi summaga shartnoma imzolandi va 2,5 mln yevro miqdorida avans mablag‘i va 8,8 mln yevro yetkazib berilgan uskunalar uchun pul o‘tkazildi. 12,4 mln yevrolik yoki 97,8 % (jami 12,7 mln yevro) uskunalar keltirildi va bojxona rasmiylashtiruvidan o‘tkazildi. Bazaviy loyiha 100%ga bajarildi va uskunalarni yetkazib berish davom etmoqda;

- 2022 yil 22 fevralda mavjud EPES binosining bir qismini demontaj va montaj qilish uchun loyiha – smeta xujjatlari bo‘yicha Qurilish vazirligi «Shaharsozlik hujjatlari ekspertizasi» DUKning ijobiy xulosasi olindi va 2022 yilning 21 aprel sanasigacha 61910 – sonli lot, 14,5 mlrd so‘m boshlang‘ich narx bilan elektron tender savdolari e’lon qilindi va tender savdolari natijalariga ko‘ra “Chimqo‘rg‘on servis invest” MChJ 12,7 mlrd so‘m taklif bilan g‘olib deb topildi va shartnoma imzolandi. Hozirda ishlar to‘liq yakunlandi.

- IBT larni to‘kish statsiyasini yetkazib berish va o‘rnatish uchun boshlang‘ich qiymati 8,066 mln yevro bo‘lgan tender tanlovi elon qilindi 02.03.2023g tender natijalariga ko‘ra 5.065 mln yevro taklif bilan “Shanghai Sunshine Industries Technology Co., LTD” kompaniyasi g‘olib deb topildi va 5 5,0 mln yevroga shartnoma imzolandi. 4,5 mln yevro miqdorida avans mablag‘lar o‘tkazildi. 3,4 mln yevrolik yoki 69,7 % (jami 5,0 mln yevro) uskunalar keltirildi va bojxona rasmiylashtiruvidan o‘tkazildi.

		5.00 (1 ovoz)

	+998 70 214-14-23
	+998 70 214-13-78