E'LON!

Bosh sahifa / Axborot xizmati / Yangiliklar / E`lonlar

E'LON!

20.03.2025 20.03.2025 58

Oʻzbekiston Respublikasi Prezidenti rahbarligida 2024-yil 20-iyun kuni kengaytirilgan tarzda oʻtkazilgan videoselektor yigʻilishining 32-sonli bayoni 36-bandida 2024/2025 o‘quv yilidan boshlab, har yili muhandislik yo‘nalishlari bo‘yicha “Eng yaxshi g‘oya”, “Eng yaxshi loyiha” va “Eng yaxshi ixtiro” respublika ko‘rik tanlovlarini o‘tkazish vazifasi belgilab berilgan.
Mazkur tanlovni yuqori saviyada tashkil etish maqsadida Vazirlar Mahkamasi majlisining 2025-yil 28-fevraldagi 10-son bayonining 2-ilovasi bilan “2024/2025 oʻquv yilida muhandislik yoʻnalishlari boʻyicha respublika koʻrik tanlovlarini oʻtkazish va gʻoliblarni aniqlash tartibi toʻgʻrisidagi nizom” tasdiqlandi.

Tanlovga joriy yilning 16-mart kunidan boshlab e’lon berilgan bo‘lib, joriy yilning 31-mart kuniga qadar arizalarni qabul qilish (muhandis.edu.uz platformasi orqali) rejalashtirilmoqda.

Ma’lumot uchun: Tanlov “Eng yaxshi g‘oya”, “Eng yaxshi loyiha” va “Eng yaxshi ixtiro” yo‘nalishlar bo‘yicha alohida 3 ta kategoriya - 40 yoshdan oshmagan professor- o‘qituvchilar, talabalar hamda amaliyotchi muhandislar o‘rtasida o‘tkaziladi.

Tanlovda:
1-o‘rin qo‘lga kiritgan 9 nafar g‘oliblar elektromobil;
2-o‘rin g‘oliblari xorijiy davlatlarga stajirovka yo‘llanmasi;
3-o‘rin g‘oliblari pul mukofotlari bilan taqdirlanadi.

Tanlov joriy yilning aprel-iyun oylarida 3 bosqichda o‘tkaziladi.