27-IYUN – MATBUOT VA OMMAVIY AXBOROT VOSITALARI XODIMLARI KUNI
“O‘zmetkombinat” AJ Tarixi muzeyida kombinat Matbuot xizmati xodimlari kasb bayrami munosabati bilan kombinat Kasaba uyushmasi qo‘mitasi tomonidan tashakkurnoma va sovg‘alar bilan taqdirlandi.
- Biz, har doim kombinat matbuot xizmati bilan hamkorlik qilamiz. Har bir tadbir va bayramlarni, ko‘rik-tanlov va musobaqalarni ularning bilimlari, tajribalariga tayangan xolda ijtimoiy tarmoqlarga joylab faoliyatimizni yoritib kelmoqdamiz. Kasb bayramida e’tirof etilgan har -bir soha xodimlarini ijodiy ishlarida muvaffaqiyat, oilalariga xotirjamlik tilayman. Hech qachon xalqimizga tezkor va xolis axborot tarqatishdan tolmang. Doimo so‘zingiz teran, qalamingiz o‘tkir, nigohingiz samimiy bo‘lsin!
O‘ylaymanki, hamkorligimiz bundan keyin ham mustahkam davom etadi.
“O‘zmetkombinat” AJ Kasaba uyushmasi qo‘mitasi raisi Elzara Veliullayeva