HAYDOVCHILIK KASBI – MAS’ULIYAT, MAHORAT VA SABRNI TALAB QILADI

Har bir kasbning jamiyatda o‘ziga xos o‘rni va ahamiyati bor. Ular orasida haydovchilik kasbi nafaqat mehnat, balki yuqori darajadagi mas’uliyat talab qiladigan kasblardan biri sanaladi. Ushbu kasb hayotimizning turli jabhalarida — shaxsiy transportdan tortib, yo‘lovchi tashish, yuk tashish,hatto ta’minot va logistika sohalarida ham katta ahamiyatga ega.  
Farrux Amanov 2009-yil “O‘zmetkombinat” AJ Yagona logistika markazi Avtotransport xizmatiga haydovchi bo‘lib ishga qabul qilindi. Oradan vaqt o‘tib, 2018-yil kombinatimizda Ferroqotishmalar ishlab chiqarish bo‘linmasi ishga tushganidan so‘ng shu yerda to‘kish mashinasi mashinisti sifatida ish faoliyatini davom ettirmoqda. 
Farrux Amanov ham o‘tgan davr mobaynida tajribali haydovchiga aylanib, ko‘plab shogirdlar ham yetishtirib chiqardi. Ular orasida Jamshid Mirahmedov, Muzaffar Yo‘ldoshov, Vohid Aminovlarni misol qilib olishimiz mumkin.