MUSTAQILLIK KUNIGA BAG‘ISHLANDI

Vatanimiz Mustaqilligi kuniga bag‘ishlab “O'zmetkombinat” AJ Kasaba uyushma qo‘mitasi tashabbusi bilan korxona ishchi-xodimlari o‘rtasida spartakiada o‘tkazildi.

Sport kurashiga birinchi bo‘lib shaxmatchilar kirishdi. Bugun Metallurglar madaniyat saroyida shaxmatchilar g‘alabaga bo‘lgan ishtiyoqlarini namoyish qilib dona surdilar.

 Shaxmatchilar musobaqasida quyidagilar g‘olib va sovrindor bo‘ldilar:
  Islombek Qulmatov (Texnologik jarayonlarni avtomatlashtirilgan boshqaruv tizimlari laboratoriyasi)
Ulug‘bek Nazarov (Quyuv-prokatlash majmuasi)
Nodir Jalolov (Mexanika-ta'mirlash bo‘linmasi)

G‘olib va sovrindorlarga diplomlar hamda esdalik sovg‘alari topshirildi. Musobaqa yuqori saviyada o‘tkazilib, ishtirokchilar va tomoshabinlarda yaxshi taassurotlar qoldirdi.