33 YIL PROKAT STANI YONIDA

Salohiddin Nuretdinov 33 yildan beri Navli prokatlash bo‘linmasida valsalovchi bo‘lib ishlaydi. Bu vaqt mobaynida u sidqidildan mehnat qilib, kasbiga va uning an’analariga sodiq qolib kelmoqda.

Salohiddin aka o‘z ustozlari Sergey Gospodenkо va Sergey Vasetkinlarni minnatdorchilik bilan eslaydi. Ular unga kasbiy bilim va tajribalarini o‘rgatgan edilar. Bugun esa uning o‘zi yosh mutaxassislarga ustoz bo‘lib, shogirdlari orasida Ismoil Iskandarov va Muhriddin Rahimovlarni faxr bilan tilga oladi.Jamoa faxri bo'lgan bu o'z kasbinig ustasi ishiga sadoqati va malakasi bilan yoshlarga ibrat bo'lmoqda.