"O'zmetkombinat" AJ

Bosh sahifa / Biz haqimizda / Kombinat haqida

"O'zmetkombinat" AJ

20.09.2023 24.02.2025 20631

"O‘zmetkombinat" AJ – Markaziy Osiyoda ilk tashkil etilgan metallurgiya korxonalaridan biri bo‘lib, mamlakat iqtisodiyotining strategik tarmoqlaridan birini tashkil etadi. Korxona turli xil metall mahsulotlarini ishlab chiqarish, ularni ichki va tashqi bozorlarga yetkazib berish hamda xalqaro standartlarga javob beradigan sifatli mahsulotlarni taqdim etish bilan shug‘ullanadi.

Tashkil topishi va rivojlanishi

O‘zbekiston metallurgiya zavodi 1942-yildan umumxalq hashari yoʻli bilan qurila boshlagan va 1944-yil 5-mart Marten sexining 1-pechida dastlabki po‘lat eritmasi olindi. Shu kuni O‘zbekiston metallurgiya zavodi ishga tushirilgan kun sifatida tarixda qoldi. 1946-yil 1-sonli prokat sexi, 1974-yildan sirlangan poʻlat idishlar ishlab chiqarish boshlandi, 1978-yil Elektrda po‘lat eritish sexi, 1984-yil 2-sonli prokat sexlari ishga tushirildi. 1994-yil O‘zbekiston Respublikasi Vazirlar Mahkamasining Qarori bilan metallurgiya zavodi, Shirin mashinasozlik zavodi va xo‘jalik hiosobidagi “Ikkilamchiqorametall” boshqarmasi korxonalari birlashtirilib "O‘zmetkombinat" AIB tashkil etildi. O‘tgan davr mobaynida kombinat metallurgiya sanoatining rivojlanishiga katta hissa qo‘shib kelmoqda. Korxona texnologik yangilanishlarni joriy etish, ishlab chiqarish jarayonlarini avtomatlashtirish va mahsulot sifatini oshirishga katta e’tibor qaratdi. Bugungi kunda kombinat o‘zining zamonaviy ishlab chiqarish quvvatlari, innovatsion yondashuvlari va xalqaro bozorlardagi ishonchli hamkorligi bilan ajralib turadi.

Faoliyat yo‘nalishlari

• Korxona quyidagi asosiy yo‘nalishlarda faoliyat yuritadi:

- Navli prokat va polat zoldirlar;

- Rangli metallar va metall buyumlar;

- Ferroqotishmalar;

- Issiqliqlik o‘tkazmas materiallar;

- Xalq isteʼmoli mollari (sirlangan idishlar);

- Gazsimon va suyuq argon, azot, kislorod;

- Yuqori omli koks.

• Ichki va xalqaro savdo – O‘zbekiston va xorijiy davlatlarga metall mahsulotlarini eksport qilish;

• Innovatsion texnologiyalarni tatbiq etish – zamonaviy uskunalar yordamida ishlab chiqarish jarayonlarini avtomatlashtirish;

• Ekologik xavfsizlik va barqaror rivojlanish – ekologik toza texnologiyalarni joriy etish va atrof-muhitni himoya qilish bo‘yicha chora-tadbirlar amalga oshirish.

Mahsulotlarimiz

• Qurilish va infratuzilma obyektlari yo‘nalishlarida keng qo‘llaniladi;

Texnologik innovatsiyalar va avtomatlashtirish

"O‘zmetkombinat" AJ innovatsion texnologiyalarni joriy etish borasida doimiy ishlamoqda. Zamonaviy laboratoriyalar va sinov markazlari orqali mahsulot sifati doimiy ravishda nazorat qilinadi. Bundan tashqari, korxona energiya tejamkor texnologiyalarni tatbiq etish va uglerod chiqindilarini kamaytirish bo‘yicha xalqaro talablarga javob beradigan loyihalarni amalga oshirmoqda. Ishlab chiqarish jarayonlarini avtomatlashtirish orqali samaradorlik va mahsulot sifati yanada oshirilmoqda.

Xalqaro hamkorlik va eksport

Kombinat o‘z mahsulotlarini nafaqat ichki bozorda, balki xalqaro miqyosda ham keng tarqatib kelmoqda. Korxona Rossiya, Xitoy, Turkiya, Yevropa davlatlari va boshqa mamlakatlarga eksport faoliyatini yo‘lga qo‘ygan. Xalqaro hamkorlik doirasida yetakchi kompaniyalar bilan uzoq muddatli shartnomalar tuzilgan bo‘lib, mahsulot sifati va yetkazib berish jarayonining aniqligi bo‘yicha yuqori standartlar joriy etilgan.

Ijtimoiy mas’uliyat va xodimlarga g‘amxo‘rlik

Korxona o‘z xodimlariga qulay mehnat sharoitlarini yaratish, ularning malakasini oshirish va ijtimoiy ta’minot bilan ta’minlashga katta e’tibor qaratadi. Doimiy ravishda trening va malaka oshirish dasturlari tashkil etilib, xodimlarning kasbiy rivojlanishiga ko‘mak beriladi. Shuningdek, kombinat jamiyat oldidagi ijtimoiy mas’uliyatini chuqur anglab, turli xayriya tadbirlari va ijtimoiy loyihalarda faol ishtirok etadi. Bundan tashqari, xodimlar uchun sog‘liqni saqlash dasturlari, sport tadbirlari va farovonlikni oshirishga qaratilgan tashabbuslar amalga oshirilmoqda.

Ekologik mas’uliyat va barqaror rivojlanish

"O‘zmetkombinat" AJ ekologik barqarorlikni ta’minlash maqsadida zamonaviy ekologik toza texnologiyalarni joriy etib kelmoqda. Atmosfera chiqindilarini kamaytirish, suv va energiya resurslaridan samarali foydalanish, chiqindilarni qayta ishlash kabi yo‘nalishlar bo‘yicha qator dasturlar amalga oshirilmoqda. Korxona atrof-muhitni muhofaza qilish bo‘yicha xalqaro talablarga javob beradigan strategiyalarni ishlab chiqmoqda va amalga oshirmoqda.

Kelajak rejalar va strategik maqsadlar

"O‘zmetkombinat" AJ o‘z oldiga quyidagi strategik maqsadlarni qo‘ygan:

• Mahsulot assortimentini kengaytirish va xalqaro bozorda ishonchli o‘rin egallash;

• Innovatsion texnologiyalarni joriy etish orqali ishlab chiqarish jarayonlarining samaradorligini oshirish;

• Ekologik toza texnologiyalarga sarmoya kiritish va barqaror rivojlanishga intilish;

• Xodimlarning kasbiy o‘sishiga ko‘maklashish va ijtimoiy mas’uliyatni oshirish.

		4.40 (67 ovoz)

Biz haqimizda

Korporativ boshqaruv

Investorlarga

Atrof-muhit va ISTB

Ishlab chiqarish

Axborot xizmati

Aloqalar

4.40