Bekor qilish


Shrift(

1

x

)
Masshtab(100%)
A
A
A

Saytda ovoz jo`rligi(suhandon tekstni o`qib berishi) funksiyasi mavjud. Buning uchun kerakli tekstni belgilaysiz, paydo bo`lgan oynadan bosqichni tanlaysiz. Agar to`xtatmoqchi bo`lsangiz bosqichni tanlaysiz

instagram telegramm
+998702141462

Bosh sahifa / Biz haqimizda /

ИШОНЧНИ ОҚЛАЙМИЗ!!!

20.09.2023 20.09.2023 306

ИШОНЧНИ ОҚЛАЙМИЗ!!!

Исмоил Исроилов, “Ўзбекистон металлургия комбинати” акциядорлик жамияти энергетика цехининг 1-сонли қозонхонаси устаси.

Давлатимиз раҳбари Шавкат Мирзиёевнинг жорий йил 12 август куни Бекобод шаҳрига, “Ўзметкомбинат” АЖга ташрифи натижасида металлургия соҳасида улкан лойиҳаларнинг амалга оширилишига, ривожланиш, тараққиётнинг янги босқичига қадам қўйилди, десак ҳеч ҳам муболаға бўлмайди. Бу лойиҳаларнинг амалга оширилишида кўп минг кишилик металлурглар жамоамизга муҳим вазифалар ишониб топширилган. Бекободлик металлурглар доимо ишончни оқлашлари, олдиларига қўйилган ҳар қандай вазифаларини шараф билан бажаришлари билан ном қозонишган.

Комбинатимиз мустақиллик байрамини ҳам меҳнатда муносиб ютуқларга эришган ҳолда кутиб олмоқда. Металлурглар пўлат эритиш, прокат маҳсулотлари ишлаб чиқариш режаларини зиёди билан бажариб келяптилар.

Мен ҳам мана шу жамоада ишлаётганимдан, ватанимизнинг тараққиёти йўлида юксак вазифаларни бажаришда иштирок этаётганимдан бахтлиман.

Цехимиз ҳам умумжамоа ютуқларига муносиб ҳиссасини қўшиб келяпти. Жамоамиз комбинатнинг асосий ва таркибий бўлинмаларини таббий газ, иссиқ ва совуқ сув билан бир маромда таъминлаб келади. Шунингдек, комбинатдан чиқаётган оқава сувларни тозалаб қайта ишлаб чиқаришга йўналтириш ишларини ҳам амалга ошириб келамиз.

Менинг камтарона меҳнатим давлатимиз мустақиллигининг ўттиз бир йиллиги муносабати билан Президентимиз имзолаган фармонга кўра “Дўстлик” орденига лойиқ кўрилди.

Мамнуният билан таъкидламоқчиманки, менга топширилган мукофотни комбинатимиз жамоасига берилган, меҳнатда эришилаётган муваффақиятлар эътирофи деб биламан. Бу мукофот мени янада руҳлантириб, матонат билан фаолият юритишга чорлайди.

 

5.00

(3 ovoz)



Sayt test rejimida ishlamoqda