"O‘zmetkombinat" va Jiangsu SOHO: strategik hamkorlikning yangi bosqichi

   16-sentabr kuni Jiangsu SOHO Holdings Group Direktorlar kengashi raisi Chjou Yun boshchiligidagi delegatsiya «O‘zmetkombinat» AJga tashrif buyurdi.Tashrif davomida delegatsiya a’zolari Quyish-prokatlash kompleksi faoliyati bilan yaqindan tanishdilar. Uchrashuvda xomashyo ta’minoti, eksport, logistika hamda investitsiyaviy hamkorlik masalalari muhokama qilindi.Uchrashuv yakunida «O‘zmetkombinat» AJ va Jiangsu SOHO Holdings Group o‘rtasida Hamkorlik to‘g‘risidagi memorandum imzolandi. Mazkur kelishuv avgust oyida Xitoyda Bahodir Abdullayev boshchiligida o‘tkazilgan muzokaralarning amaliy davomi bo‘lib, yangi qo‘shma loyihalarni amalga oshirish hamda o‘zaro hamkorlikning istiqbolli yo‘nalishlarini rivojlantirishga xizmat qiladi.