YOSHLARGA E'TIBOR - KELAJAKKA E'TIBOR
Ma'lumki, bugungi kunda har bir vazirlik va idora rahbarlariga hududlardan yoshlar biriktirilib, mavjud muammolarni yechish bo‘yicha aniq mexanizmlar ishlab chiqilmoqda.
"O‘zmetkombinat" AJga ham shahrimizning "Muqimiy" va "O‘zbekiston" MFY hududlarida istiqomat qiluvchi bir guruh yoshlar biriktirilgan bo‘lib, mutasaddilar yoshlar bilan uchrashib, ularning ayni kundagi turmush-tarzini o‘rganishmoqda.
Kuni kecha kombinat Yoshlar yetakchilari kengashi raisi Abdug‘affor Mirzayev mahalla mas'ullari bilan birgalikda korxonaga biriktirilgan yoshlarning yashash xonadonlariga borishdi. Yoshlarni qiynayotgan muammolar va hal qilinishi kerak bo‘lgan masalalarni o‘rganishdi.