Yaxshi dam mehnatga hamdam
Birlashgan kasaba uyushmasi qo‘mitasi tomonidan metallurglarning ishdan tashqari dam olish kunlarini mazmunli o‘tkazishlari uchun Toshkent shahridagi teatrlarda namoyish etilayotgan spektakllar tomoshasiga olib borish yaxshi an'anaga aylanmoqda.
O‘tgan dam olish kunida bir guruh kombinat ishchi-xodimlari O‘zbek Milliy akademik drama teatrida namoyish etilgan "Andishali kelinchak" spektakli tomoshasiga borishdi.
Metallurglarimiz spektaklda qatnashgan teatrning yetuk aktyor va aktrisalari ijrolaridan bahramand bo‘lishib, ko‘tarinki kayfiyat va unutilmas yorqin tassurotlarga ega bo‘lishdi. Shunday madaniy hordiqni tashkillashtirgan Birlashgan kasaba uyushmasi qo‘mitasiga o‘z minatdorchiliklarini bildirishdi.