+998 71 514-14-62
Sahifa bölimlari

YAKUNIY SINOV IMTIHONLARI O‘TKAZILDI

YAKUNIY SINOV IMTIHONLARI O‘TKAZILDI
1 / 3

Xabaringiz bor, "O‘zmetkombinat" AJda 2023-yil 18-dekabrdan boshlab kran mashinisti (ko‘prikli va chorpoyali) kasbi bo‘yicha tijorat o‘quv kursi tashkil etilgan edi.

Joriy yilning 19-apreliga qadar davom etgan ushbu kursda hamshaharlarimizdan 12 nafar tinglovchi ishtirok etdi. Ushbu davr mobaynida ular kran mashinisti (ko‘prikli va chorpoyali) kasbi bo‘yicha nazariy bilimga hamda uni mustahkamlash va ish tajribasiga ega bo‘lishlari uchun amaliy tajribalarga ega bo‘lishdi.

Amaliy mashg‘ulotlar kombinatning Navli prokatlash, Zoldir prokatlash hamda Xalq iste'mol mollari ishlab chiqarish bo‘linmalarida o‘tkazildi.

Bugun Xodimlar malakasini baholash, o‘qitish va rivojlantirish boshqarmasiga kran mashinisti (ko‘prikli va chorpoyali) kasbi bo‘yicha malaka komissiyasi taklif etilib, ushbu tijorat o‘quv kursini muvaffaqiyatli tamomlagan tinglovchilarning yakuniy bilim va ko‘nikmalari sinovdan o‘tkazildi.

Tijorat o‘quv kursi nizomiga muvofiq sinov imtihonlaridan o‘tgan tinglovchilarga tanlagan kasbi bo‘yicha malaka toifasini belgilovchi guvohnomalar taqdim etiladi.

0.000 ta baho
Maqolani baholang
← Yangiliklarga qaytiş