+998 71 514-14-62
Sahifa bölimlari

"INNOPROM. MARKAZIY OSIYO" XALQARO SANOAT KO‘RGAZMASI BO‘LIB O‘TDI

"INNOPROM. MARKAZIY OSIYO" XALQARO SANOAT KO‘RGAZMASI BO‘LIB O‘TDI
1 / 3

Joriy yilning  22 – 24-aprel kunlari Milliy ko‘rgazmalar majmuasida "INNOPROM. Markaziy Osiyo" xalqaro sanoat ko‘rgazmasi bo‘lib o‘tdi. Ko‘rgazmada 27 ta davlatdan 450 ga yaqin kompaniya va ishbilarmon delegatsiyalarning 10 mingdan ortiq ishtirokchilari qatnashdi.
   
Bu kabi ko‘rgazmalarni o‘tkazishdan asosiy maqsad Markaziy Osiyo mamlakatlari bilan sanoat kooperatsiyasini kengaytirish, sanoatni rivojlantirishning yangi nuqtalarini aniqlash, ishbilarmonlik aloqalarini o‘rnatish, mustahkamlash va hamkorlikda qo‘shma mahsulotlarni ishlab chiqarishni tashkil etishdan iborat.
     
Bo‘lib o‘tayotgan ko‘rgazmalarning natijalariga ko‘ra,  Xalqaro va mintaqalararo aloqalarning izchil rivojlanishi kuzatilmoqda. Ochiq savdo, sarmoyaviy va transport-kommunikatsiya platformasi shakllantirilmoqda, iqtisodiyotning ustuvor tarmoqlarida qo‘shma loyihalar amalga oshirilmoqda, mamlakatlar hududlari o‘rtasidagi aloqalar kengaymoqda, madaniy-gumanitar aloqalar chuqurlashmoqda.

Ko‘rgazma doirasida tegishli vazirliklar va yirik sanoat kompaniyalari rahbarlari ishtirokida B2B uchrashuvlari o‘tkazildi. Bu ishtirokchilarga batafsil aloqalar almashish, yangi loyihalar va kelgusidagi hamkorlik istiqbollarini muhokama qilish imkonini beradi. O‘tkazilgan mana shunday uchrashuvlardan birida "O‘zmetkombinat" AJ nomidan Axborot texnologiyalari direksiyasi direktori Anvar Xudayarov spiker sifatida ishtirok etib, kombinat haqida batafsil ma'lumotlarni berib o‘tdi.

5.003 ta baho
Maqolani baholang
← Yangiliklarga qaytiş