+998 71 514-14-62
Sahifa bölimlari

BITIRUVCHI O‘QUVCHILAR UCHUN SEMINAR TASHKIL ETILDI

BITIRUVCHI O‘QUVCHILAR UCHUN SEMINAR TASHKIL ETILDI
1 / 8

Davlat mehnat nazorati inspeksiyasi tashabbusi bilan Bekobod shahar kasb-hunar maktabi bitiruvchi o‘quvchilari uchun Toshkent viloyati bo‘yicha Davlat mehnat nazorati inspeksiyasining mehnatni muhofaza qilish bo‘yicha davlat texnik inspektori O‘ktam O‘sarov, "Olmaliq KMK" AJ qoshidagi kon-texnika inspeksiyasi boshlig‘i o‘rinbosari Zahriddin Berdiqulov hamda "O‘zmetkombinat" AJ Sanoat xavfsizligi boshqarmasi boshlig‘i Dilshod Madmarovlar ishtirokida "28-aprel – Butunjahon mehnatni muhofaza qilish kuni" munosabati bilan foydali seminar tashkil qilindi.

Seminarda bitiruvchi yoshlarga sanoat korxonalari yoki tashkilotlarga ishga kirishlaridan oldin mehnat muhofazasi yuzasidan tushuncha va ko‘nikmalar berildi. Mehnat muhofazasi bo‘yicha ish beruvchi hamda xodimning huquq va majburiyatlari haqida batafsil aytib o‘tildi. Shuningdek, ish joyida yuzaga keladigan zararli omillardan o‘zini qanday himoyalash mumkinligi misollar bilan tushuntirildi. Tadbirda o‘quvchilar sohaga oid o‘zlarini qiziqtirgan savollarga mutaxassislar tomonidan javoblar olishdi.

Tadbir so‘nggida mana shunday seminarni tashkil etgan mehmonlarga maktab ma'muriyati tomonidan "Tashakkurnoma"lar taqdim etildi.

0.000 ta baho
Maqolani baholang
← Yangiliklarga qaytiş