BUYURTMALAR O‘Z VAQTIDA BAJARILMOQDA
“O‘zmetkombinat” AJning Tajriba konstruktorlik laboratoriyasida kombinat tarkibiy bo‘linmalari uchun talab asosida turli uskunalar, dastgohlar, moslamalar yasalmoqda.
Jumladan, Elektrda po‘lat eritish bo‘linmasi uchun issiq briketlangan temir liniyasi yasab bitkazildi, Metallurgiya ilmiy markazi boshchiligida sinov uchun pech tayyorlanmoqda va pech tayyor bo‘lsa turli markadagi po‘latlarni sinov yo‘li bilan o‘rganib o‘zlashtirishga xizmat qiladi. Bundan tashqari Navli prokat bo‘linmasi uchun stan 300 12- kleti vallarini modernizatsiya qilish ishlari yakuniga yetib qoldi, tez kunlarda sinab ko‘rish uchun topshiriladi. Bundan maqsad klet vallarini sotib olmasdan o‘zimizda tayyorlash.
Shu bilan bir qatorda Ferroqotishmalar ishlab chiqarish, Energetika, Ta’mirlash mexanika, Quyuv mexanika va boshqa ko‘plab bo‘linmalardan kelib tushayotgan buyurtmalar bajarib kelinmoqda.