Bayram tabrigi

Open index

Biz haqimizda

Korporativ boshqaruv

Investorlarga

Ishlab chiqarish

Axborot xizmati

Aloqalar

Bosh sahifa / Axborot xizmati / Yangiliklar / Kundalik yangiliklar

Bayram tabrigi

08.12.2024 08.12.2024 53

YANGI MARRALAR SARI ILHOMLANTIRADI

Hurmatli metallurglar, qadrli hamkasblar va ishlab chiqarish faxriylari!

Sizlarni O‘zbekiston Respublikasi Konstitutsiyasi kuni bilan chin qalbimdan samimiy tabriklayman. Ushbu bayram nafaqat har bir fuqaroning asosiy huquq va erkinliklarini, balki hamjihatligimizni, yurtimiz farovonligi va taraqqiyot sari intilishimizni ham ifodalaydi. Konstitutsiya O‘zbekiston kelajagi barpo etiladigan poydevor bo‘lib, uning sharofati bilan biz yuksak natijalarga erishib, ishonch bilan olg‘a qadam tashlamoqdamiz.

“O‘zmetkombinat” AJ metallurglari uchun bu bayram alohida ahamiyat kasb etadi, chunki bu yil o‘zining 80-yilligini nishonlayotgan kombinatimiz O‘zbekiston iqtisodiy qudratining muhim tayanchlaridan biridir. Mamlakatimizda erishilayotgan yutuqlarda fidokorona mehnat qilayotgan mutaxassislarimizning ham munosib o‘rinlari bor. “O‘zmetkombinat” AJ ishchi-xodimlari o‘zlarining samarali mehnatlari bilan nafaqat ishlab chiqarish rivojiga, balki O‘zbekiston iqtisodiyotini mustahkamlashga ham hissa qo‘shmoqdalar.

Kombinatimiz mamlakat uchun og‘ir yillarda tashkil etilgan bo‘lib, sakson yildan buyon O‘zbekiston sanoati va iqtisodiyoti rivojiga salmoqli hissa qo‘shib kelmoqda. Fuqarolarning iqtisodiy va ijtimoiy huquqlari mustahkamlangan Konstitutsiyamizda “O‘zmetkombinat” kabi korxonalar faoliyati uchun qulay shart-sharoitlar yaratilgan. Keyingi yillarda mamlakatimizda, jumladan, iqtisodiy va ijtimoiy sohalarda amalga oshirilayotgan konstitutsiyaviy islohotlar doirasida korxonamiz yanada jadal rivojlanish, ilg‘or texnologiyalarni joriy etish, mahsulotlar sifatini oshirish imkoniyatlariga ega bo‘ldi. Bularning barchasi Konstitutsiyada belgilangan huquqiy asoslar tufayli amalga oshdi.
Hurmatli metallurglar!
O‘zbekiston metallurgiya sanoati doimo mamlakat iqtisodiyotining muhim tarkibiy qismi bo‘lib kelgan va shunday bo‘lib qoladi. Sizning mehnat faoliyatingiz xalqimiz intilayotgan taraqqiyot va rivojlanish ramzidir. Sifat va xavfsizlikning yuqori andozalariga rioya qilgan holda sidqidildan mehnat qilayotgan, respublikamizning barqaror rivojlanishiga hissa qo‘shayotgan har biringiz bilan faxrlanamiz. Sizning mehnatingiz tufayli mamlakatimizning nafaqat iqtisodiy salohiyati, balki ijtimoiy barqarorligi ham mustahkamlanmoqda.
Konstitutsiya kuni har bir fuqaroning huquqlarini himoya qilish, uning farovon yashashi uchun sharoit yaratish muhimligini eslatib turadi. Inson mehnati va qadr-qimmati ulug‘langan mustaqil davlatda yashash va mehnat qilish imkoniyatiga aynan Konstitutsiyamiz tufayli erishildi. “O‘zmetkombinat” AJ metallurglarining Vatan farovonligi yo‘lidagi fidokorona mehnati mamlakatimiz iqtisodiy salohiyati oshishi va farovonligini mustahkamlashga xizmat qilayotganiga yorqin misoldir.
Hurmatli metallurglar, hamkasblar!
O‘zbekiston mustaqilligini mustahkamlash va qudratini yuksaltirish yo‘lida olib borilayotgan zahmatli mehnatingiz rohatini ko‘ring.
Sizlarga mustahkam sog‘liq, farovonlik, tinchlik va yangi muvaffaqiyatlar tilayman. Konstitutsiyamiz mehnat g‘alabalarimiz uchun mustahkam poydevor bo‘lib xizmat qilsin, bizni yangi marralar sari ruhlantirsin.

Dilshod AXMEDOV,
“O‘zmetkombinat” AJ Boshqaruvi raisi – Bosh direktor.

		0 (0 ovoz)

	+998 70 214-14-23
	+998 70 214-13-78

	+99 890 902 71 02
	+99 870 214 16 94