VATAN HIMOYACHILARI KUNI MUNOSABATI BILAN BAYRAM TADBIRI O‘TKAZILDI
Tinchlik va osoyishtalik — mamlakatda barqaror taraqqiyotning kafolatidir. Shu bois xalqimiz azaldan tinchlik va osoyishtalikni Vatan, Ona, Ozodlik kabi muqaddas tushunchalar qatorida ulug‘lab, mamlakat sarhadlari daxlsizligini va xavfsizligini munosib himoyalab kelayotgan harbiy xizmatchilarni doimo hurmat qilib kelganmiz. 14-yanvar Vatan himoyachilari kuni. Ushbu bayram har yili mamlakatimizda katta xursandchilik bilan kutib olinadi. Korxonamiz xavfsizligini kunu tun qo‘riqlayotgan harbiy xizmatchilar, 99342 harbiy qismi shaxsiy tarkibi ham Mamlakatimiz Qurolli kuchlarining 33 yilligi hamda 14-yanvar – Vatan himoyachilari kunini munosib kutib olishdi.
Kombinatimizning Xalq iste’moli mollari ishlab chiqarish bo‘linmasi oshxonasida askaru zobitlar uchun bayram dasturxoni yozilib samimiy tilaklar bildirildi. O‘tkazilgan bayram tadbiri davomida milliy taomlarimizdan biri bo‘lgan palov dasturxonga tortildi. Qolaversa san’atkorlar tomonidan ijro etilgan go‘zal qo‘shiqlar barchaga yuqori kayfiyat baxsh etdi.
O‘z hayotini Vatan himoyasidek ulug‘ va xayrli ishga bag‘ishlagan Sizday jasur va mard harbiylarni sharaflab, yurtimiz xavfsizligi va tinchligi yo‘lidagi ishlaringizda muvofaqqiyatlar tilab qolamiz!
Bayramingiz muborak bo‘lsin!