MUTAXASSISLAR TASHRIF BUYURDI

   "O‘zavtosanoat" AJning mutaxassislaridan tashkil topgan delegatsiya 10-yanvar kuni kombinatga tashrif buyurdi. Bundan ko‘zlangan asosiy maqsad "O‘zmetkombinat" AJ tarmoq korxonalari uchun yengil avtomobillar va ularning qismlarini, prokatlangan po‘lat listlar  ishlab chiqarishni o‘zlashtirish imkoniyatlarini ko‘rib chiqish va bu borada ma’lumotlar olish bo‘ldi.

   O‘z navbatida mehmonlar ham yaratilayotgan yangi quvvatlar bilan tanishdilar, loyihalar bo‘yicha muzokaralar o‘tkazishdi va kooperatsiya aloqalarini yanada rivojlantirish masalalarini joylarga chiqqan holda kombinat mutaxassislaridan to‘liq tushunchalar olishdi.