O‘QUV MASHG‘ULOTLARI O‘TKAZILDI
“O‘zmetkombinat" AJ obyektlarida yong‘in xavfsizligini ta’minlashni tashkil etish bo‘limi xodimlari tomonidan tarkibiy bo‘linmalarda yong‘in-texnik minimumi dasturi bo‘yicha o‘quv mashg‘ulotlari o‘tkazilmoqda.
Ana shunday o‘quv mashg‘ulotlari Zoldir prokatlash bo'linmasi hamda Metallurglar servis markazida olovli ishlar olib borish bilan bevosita shug‘ullanuvchilar o‘rtasida yong‘in xavfsizligi talablari, yong‘inlarning oldini olish va shunga o‘xshash favqulodda vaziyatlarda to‘g‘ri harakat qilish bo‘yicha tashkil qilindi.
Mashg‘ulotlarda elektrogazpayvandchi va gaz yordamida kesuvchilar ishtirok etishdi. Mashgʻulotlar davomida olovli ishlarni olib borishda xavfsizlik qoidalarini tushuntirish bilan bir qatorda, ishchi-xodimlarga ham o‘zlarini qiziqtirgan savollariga mutaxassislar tomonidan tushunchalar berildi.