30-IYUL – XALQLAR DO‘STLIGI KUNI
Xalqlar do‘stligi kuni bizga ahillik, o‘zaro hurmat va madaniy xilma-xillik naqadar muhim ekani haqida yana bir bor eslatadi. Bu qadriyatlar “O‘zmetkombinat” AJ jamoasi faoliyatida har kuni o‘z aksini topmoqda.
Bu yerda, bir korxonada o‘zbeklar, ruslar, tatarlar, koreyslar, qozoqlar, tojiklar, armanlar, ozarbayjonlar va boshqa millatlar birgalikda yelkama-yelka mehnat qilmoqdalar. Ularning har biri — bir butun jamoaning ajralmas qismi bo‘lib, har kimning urf-odatlariga hurmat bilan yondashiladi va barcha bir maqsad — mamlakat ravnaqi yo‘lida mehnat qilish va kombinantni rivojlantirish uchun birlashgan.
Har bir insonning tajribasi, madaniyati va mehnatsevarligi jamoamizning kuchayishiga, muhitning esa yanada do‘stona bo’lishiga xizmat qiladi.
Barchani Xalqlar do‘stligi kuni bilan samimiy tabriklaymiz! Ham ishlab chiqarishda, ham hayotda hurmat, qo‘shnichilik va ahillik har doim barqaror poydevor bo‘lib qolsin!