DAVRA SUHBATI O‘TKAZILDI

Bosh sahifa / Axborot xizmati / Yangiliklar / Kundalik yangiliklar

01.08.2025 01.08.2025 20

Metallurglarda korrupsiyaga nisbatan murosasiz munosabatni shakllantirish, ularning huquqiy ongi va madaniyatini yuksaltirish, “O‘zmetkombinat” AJda 2025-yil davomida korrupsiyaga qarshi kurashish sohasida amalga oshiriladigan chora-tadbirlar Dasturi” ijrosini ta’minlash maqsadida Quyuv-prokatlash majmuasi majlislar zalida Komplaens xizmati tomonidan davra suhbati tashkillashtirildi. Unda shu majmua hamda “Bekobod kislorod ishlab chiqarish korxonasi”, “Bekobod Rangli metallar ishlab chiqarish korxonasi” va “Metallurglar servis markazi” mas’uliyati cheklangan jamiyatlar ishchi-xodimlari ishtirok etishdi.

Tadbirda Toshkent viloyati Ichki ishlar bosh boshqarmasi Bekobod shahar ichki ishlar bo‘limi jamoat xavfsizligi xizmati xuquqbuzarliklar profilaktikasi bo‘linmasi bosh inspektori, kapitan F.Jo‘raev so‘zga chiqdi. U ma’ruzasida Respublikamizda korrupsiyaga qarshi kurashish davlat siyosatining ustuvor yo‘nalishlaridan biriga aylanib ulgurganligini ta’kidlab o‘tdi. Bunga so‘nggi yillarda korrupsiyaning oldini olishga qaratilgan ma’muriy islohotlar misolida mamlakatimizda korrupsiyaga qarshi kurashning samarali mexanizmi, jumladan, huquqiy baza yaratilganligi to‘g‘risida yig‘ilganlarga ma’lumotlar berdi.

Shu bo‘linma kichik inspektori, kichik serjant I.Eshbekov korrupsiya illati, xususiyatlari, unga qarshi kurashish choralari haqida so‘zladi. Shuningdek, iqtisodiyotni o‘stirish, xalqimiz farovonligini oshirish, mamlakatda investitsiya muhitini yaxshilash borasidagi strategik vazifalarni hal etishda korrupsiyaga karshi kurashish davlat siyosatining ustuvor masalasiga aylanib ulgurganligi to‘g‘risida ma’ruza qildi.

Korporativ iqtisodiy xavfsizlik bo‘limi yetakchi mutaxassisi U.Yuldashev ham davra suhbatida so‘zga chiqib barcha sohalar qatori kombinatda manfaatlar to‘qnashuvi illatini bartaraf etish, korrupsiyaviy holatlarni o‘z vaqtida aniqlash, oldini olish, ularga chek qo‘yish, oqibatlarini bartarf etish muhim vazifalardan biri ekanligini ta’kidlab o‘tdi.

Komplaens xizmati menejeri G‘.Nurmatov jinoyatdan olingan daromadlarni legallashtirish mavzusida ishchi-xodimlarga atroflicha ma’lumot berib, kombinat ichki tartib qoidalari, Axloq kodeksiga rioya qilish barcha uchun majburiy ekanligini eslatib o‘tdi.