TA’MIRLASH ISHLARI YAKUNLANMOQDA

Bosh sahifa / Axborot xizmati / Yangiliklar / Kundalik yangiliklar

04.08.2025 04.08.2025 69

“O‘zmetkombinat” AJning Zoldir prokatlash bo‘linmasida uskunalarning rejalashtirilgan profilaktik ta’miri hamda Ø100 mm o‘rniga Ø65 mm lik mahsulot ishlab chiqarishga moslash ishlari olib borilmoqda.

Rejalashtirilgan profilaktik ta’mir doirasida eskirgan qismlarni diagnostika qilish va almashtirish, mexanizmlarni moylash va sozlash, avtomatlashtirish tizimlarini qayta moslashtirish, yordamchi uskunalarni profilaktik ko‘rikdan o‘tkazish kabi ishlar bajarilmoqda.

Barcha ishlar xavfsizlik texnikasi talablariga qat’iy rioya qilingan holda, belgilangan jadval asosida olib borilmoqda.

Shu bilan birga, Ø65 mm o‘lchamdagi zoldirlarni prokatlashga o‘tish uchun vallarni qayta sozlash ishlari ham amalga oshirilmoqda. Bunda kalibrlarni to‘g‘rilash, prokat parametrlarini sozlash, sinov prokatini o‘tkazish va mahsulot sifatini nazorat qilish ishlari bajarilmoqda.

Ushbu texnik yangilanish uskunalarning barqaror ishlashini ta’minlaydi, ishlab chiqarishni mavjud ehtiyojlarga moslashtirish imkonini beradi, vallarni parallel tarzda sozlash esa ishlab chiqarish vaqtini tejash imkonini yaratadi.