BUYURTMALAR O‘Z VAQTIDA BAJARILMOQDA

Bosh sahifa / Axborot xizmati / Yangiliklar / Kundalik yangiliklar

02.04.2024 02.04.2024 685

"O‘zmetkombinat" AJning Tajriba konstruktorlik laboratoriyasi jamoasi kombinat tarkibiy bo‘linmalari buyurtmalari asosida turli uskunalar, dastgohlar, moslamalar yasab, ularning ehtiyojini qondirib kelmoqda.

Jamoa tomonidan tayyorlanayotgan ehtiyot qismlar kombinatimiz uchun iqtisodiy foyda keltirishi shubhasiz. Bu uskunalarni chetdan sotib olishdan ko‘ra ko‘proq arzonga tushadi. Tajriba konstruktorlik laboratoriyasining malakali mutaxassislari berilgan buyurtmalardan kelib chiqqan holda turli xil, eng asosiysi har tomonlama qulay va sifatli bo‘lgan uskunalarni yasab berishmoqda.

Hozirgi vaqtda jamoa Elektrda po‘lat eritish bo‘linmasi uchun issiq briketlangan temir tashish liniyasi, pech devorlarini to‘ldirish uchun o‘tish mashinasi, Ferroqotishmalar ishlab chiqarish bo‘linmasi uchun ko‘mirni briketlash uskunasi, Navli prokat bo‘linmasiga "STAN 300" prokatlash kleti vallarini modernizatsiya qilish kabi mas'uliyatli ishlarni amalga oshirishmoqda.

Tajriba konstruktorlik laboratoriyasi boshlig‘i o‘rinbosari Abdurashid Bozorboyev, Mexanik yig‘uv uchastkasi ustasi Rustam Musayev hamda Konstruktorlik byurosi muhandis konstruktorlari birgalikda bu ishlarni sifatli va o‘z vaqtida bajarishda boshqalarga ibrat bo‘lyaptilar.