SALMOQLI HISSALARI BOR

Open index

Biz haqimizda

Korporativ boshqaruv

Investorlarga

Ishlab chiqarish

Axborot xizmati

Aloqalar

Bosh sahifa / Axborot xizmati / Yangiliklar / Kundalik yangiliklar

SALMOQLI HISSALARI BOR

11.01.2024 11.01.2024 320

Nazorat-o‘lchov asboblari va avtomatika boshqarmasida hozirgi kunda 120 nafar ishchi-xodim mehnat qilmoqda. Bu boshqarmaning Elektrda po‘lat eritish kompleksi, Prokat kompleksi, Xalq iste'mol mollari ishlab chiqarish, Rangli metallar ishlab chiqarish, Issiqlikni o‘tkazmaydigan materiallar ishlab chiqarish va boshqa bir qator yordamchi tarkibiy bo‘linmalarda Nazorat o‘lchov-asboblari va avtomatikadan foydalanish bo‘yicha uchastkalari mavjud. Shuningdek, Tarozi-o‘lchov texnikasini ta'mirlash bo‘yicha guruh hamda Yong‘inga qarshi avtomatika va aloqa xizmati ham faoliyat yuritmoqda.

Kombinatning asosiy tarkibiy bo‘linmalarida mahsulotlar ishlab chiqarishda gaz bosimi, suv sarfi, harorat, elektr-energiya va boshqalar nazorat-o‘lchov asboblari va avtomatika jihozlari yordamida muntazam ravishda boshqarilib boriladi. Bu esa mana shu resurslardan tejamkor ravishda foydalangan holda sifatli mahsulotlar ishlab chiqarilishi va kombinat iqtisodiga katta foyda keltirmoqda.

Nazorat-o‘lchov asboblari va avtomatika boshqarmasi kombinat tarkibiy bo‘linmalarining ishlab chiqarish jarayonida foydalaniladigan nazorat-o‘lchov asboblariga xizmat ko‘rsatadi, ta'mirlaydi hamda sifatli ishlashini nazorat qilib boradi. Shuningdek, kombinat tarozi-o‘lchov texnikalariga texnik xizmat ko‘rsatadi va uzluksiz ishlashini ta'minlaydi. Bundan tashqari, tarkibiy bo‘linmalarni uzluksiz va sifatli telefon va texnologik aloqa bilan ta'minlaydi. Kombinatda mavjud bo‘lgan barcha turdagi aloqa qurilmalari va liniyalarini ta'mirlaydi va ularga texnik xizmat ko‘rsatadi. Yong‘inga qarshi avtomatika tizimlari va qo‘riqlash signalizasiya tizimlarini o‘rnatish, yig‘ish, ta'mirlash va ularga texnik xizmat ko‘rsatish ham bu boshqarma ishchi-xodimlari tomonidan bajariladi.

Nazorat-o‘lchov asboblari va avtomatika boshqarmasi tomonidan ko‘plab istiqbolli loyihalar amalga oshirilib kelinmoqda. Jumladan, Yong‘inga qarshi avtomatika xizmati ishchi-xodimlari tarkibiy bo‘linmalarda o‘rnatilgan yong‘indan darak beruvchi signalizatsiya tizimlari va avtomatik o‘t o‘chirish qurilmalarini bosqichma-bosqich modernizatsiya qilishmoqda.

Hozirgi kunda Navli prokatlash bo‘linmasi, Avtotransport xizmati, Jismoniy xavfsizlik boshqarmasi, Xalq iste'mol mollari ishlab chiqarish markazlashtirilgan kombinatning lokal tarmog‘iga ulangan bo‘lib, yagona dispetcherlik bo‘limi tomonidan boshqarilmoqda. Kelgusida kombinatning barcha tarkibiy bo‘linmalari Yong‘in xavfsizlik xizmatiga integratsiya qilinishi rejalashtirilgan.

Hozirgi vaqtda boshqarma ishchi-xodimlari Quyuv-prokatlash majmuasida nazorat-o‘lchov asboblarini o‘rnatish loyihalari ustida ishlar olib borishyapti.

NO‘AvaA boshqarmasi kombinat tarkibiy bo‘linmalarida olib boriladigan modernizatsiya va rekonstruksiya ishlarida ham faol qatnashib, kombinatning uzluksiz ishlab chiqarish jaryonlariga o‘zining salmoqli hissasini qo‘shib kelyapti.

		0 (0 ovoz)

	+998 70 214-14-23
	+998 70 214-13-78

	+99 890 902 71 02
	+99 870 214 16 94