«O‘zmetkombinat» AJ Boshqaruvi raisi – bosh direktorning korxona tashkil etilganining 80 yillik yubileyi munosabati bilan tabrigi

Bosh sahifa / Axborot xizmati / Yangiliklar / Kundalik yangiliklar

05.11.2024 05.11.2024 369

Hurmatli metallurglar, aziz hamkasblar, hamkorlar va ishlab chiqarish faxriylari!

Sizlarning barchangizni shonli korxonamiz – “O‘zmetkombinat” aksiyadorlik jamiyati tashkil etilganining 80 yillik yubileyi bilan chin yurakdan qutlayman.

Bugungi sana korxonamiz tarixi uchun muhim bosqich bo‘lib, bu yutuq nafaqat O‘zbekistonning metallurgiya sohasi rivojida, balki mamlakatimiz sanoat salohiyatini mustahkamlashda katta ahamiyatga ega.

80 yil – butun bir davr bo‘lib, bu davr mehnat, yutuqlar va zafarlar bilan yorqin xotiralarda saqlanadi. Bu davrda bekobodlik metallurglar ishga sadoqat va shijoat ko‘rsatib, ko‘plab qiyinchiliklarni yengib o‘tdilar.

“O‘zmetkombinat”ning tarixi Bekobod shahri tarixi va ko‘plab avlod ishchi, muhandis va mutaxassislarning hayoti bilan chambarchas bog‘langan. Ularning mehnatkashligi va irodasi butun yurt uchun namuna bo‘lib kelmoqda.

Kombinatimiz 1944 yilda tashkil topgan bo‘lib, bu vaqtdan beri qiyinchiliklar va zafarlar, sinovlar va muvaffaqiyatlar bilan to‘la bosqichlarni bosib o‘tdi. Urushdan keyingi tiklanish davridagi vazifalar ulkan kuch va sadoqat talab qildi. Mamlakat uchun yangi hayot qurish va iqtisodiyotni qayta tiklash uchun ishonchli metall manbalari zarur edi. U paytda korxonaning mehnat jamoasi eng yaxshi mutaxassislarni jamlab, O‘zbekistonda metallurgiya sohasining asoslarini yaratishdek murakkab, ammo sharafli vazifani o‘z zimmalariga oldilar.

Bugungi kunda “O‘zmetkombinat” AJ zamonaviy texnologiya va uskunalar bilan jihozlangan yirik korxonadir. Mukammallikka intilish va yuqori malaka - muvaffaqiyatli taraqqiyotimizning muhim jihatidir.

Bugungi texnik taraqqiyot davrida zamonaviy texnologiya va innovatsion yechimlarsiz muvaffaqiyatli korxonani tasavvur etish qiyin. “O‘zmetkombinat” mutaxassislari har kuni yangi ish usullarini o‘rganib, ilg‘or texnologiyalarni joriy qilishmoqda va ishlab chiqarishni zamonaviy bozor talablariga moslashtirishmoqda. Siz, aziz metallurglar, bilimga bo‘lgan ishtiyoqingiz tufayli korxonamiz doimo zamon bilan hamnafas bo‘lib, nafaqat O‘zbekistonda, balki chet elda ham ma’lum va talabgir yuqori sifatli va raqobatbardosh mahsulotni taklif qilmoqda.

Sizning mehnatingiz va mahoratingiz xalqaro miqyosda yuqori baholanadi. Har biringiz, lavozimingizdan qat’i nazar, kombinatimiz muvaffaqiyatiga o‘zingizga xos bebaho hissa qo‘shasiz. Shu kunni munosib kutib olar ekanmiz, sizlarga sidqidildan minnatdorchilik bildirmoqchiman.

Bekobod shahrining ijtimoiy rivojlanishi va uni qo‘llab-quvvatlashdagi hissangizni ham qayd etmaslikning iloji yo‘q. Korxona faoliyati davomida yangi ishlab chiqarish quvvatlari bilan bir qatorda yo‘llar, maktablar, shifoxonalar va turar joylar barpo qilindi. Sizning sa’y-harakatlaringiz Bekobodda hayotni yanada qulay va mazmunli qildi, yosh avlodga shaxsiy va kasbiy rivojlanish uchun sharoit yaratdi.

Bugungi kunda kombinatimizda o‘z ishini kombinat asoschilari qatoridan boshlaganlarning farzand va nabiralari mehnat qilmoqda. Bu avlodlar davomiyligini qo‘llab-quvvatlab, an’analarni saqlashda, yangi sifat va xavfsizlik standartlarini joriy etishda hissangiz kattadir.

Alohida minnatdorchilik so‘zlarimni o‘z hayotining ko‘p yillarini kombinatga bag‘ishlagan faxriylarimizga bildirmoqchiman. Siz – an’analar posbonisiz, sizdan olgan tajriba va bilimlarimiz biz uchun bebahodir. Sizlar yosh mutaxassislarni metallurglar mehnatiga hurmat va ehtirom ruhida tarbiyalab, ularga muhim ko‘nikmalarni o‘rgatishda yordam berasiz.

Bugun, ortga nazar tashlar ekanmiz, kuchimiz birlikda ekanligini yaxshi tushunamiz. Aynan jamoamizning yakdilligi, o‘zaro qo‘llab-quvvatlash va har biringizning mas’uliyat hissi tufayli, kombinatimiz rivojlanib, yuqori natijalarga erishmoqda. Biz ko‘plab qiyinchiliklarni yengib o‘tdik va kelajakka ishonch bilan qaramoqdamiz, chunki o‘z jamoamizga, sizning qobiliyatingizga va ishga bo‘lgan sadoqatingizga ishonamiz.

Oldinda bizni yanada ko‘proq yangi vazifalar kutmoqda, ularni bajarishga ishonchimiz komil! Biz innovatsiyalarni joriy etish, mahsulot sifatiga e’tibor berish va jahon bozoridagi o‘rnimizni mustahkamlashda davom etamiz. Sizning mehnatingiz va yaxshi natijalarga intilishingiz tufayli kombinatimiz yanada katta cho‘qqilarni zabt etishiga ishonaman.

“O‘zmetkombinat” AJning 80 yillik bayrami bilan chin qalbimdan har biringizni qutlayman! Sizlarga mustahkam sog‘lik, farovonlik, omad va barcha ishlaringizda muvaffaqiyat tilayman.

Dilshod Axmedov,

«O‘zmetkombinat» AJ Boshqaruvi raisi – bosh direktor.

		0 (0 ovoz)

Biz haqimizda

Korporativ boshqaruv

Investorlarga

Atrof-muhit va ISTB

Ishlab chiqarish

Axborot xizmati

Aloqalar

0