XALQARO SERTIFIKAT QO‘LGA KIRITILDI

Bosh sahifa / Axborot xizmati / Yangiliklar / Kundalik yangiliklar

14.12.2024 14.12.2024 402

Joriy yilning o‘tgan davri mobaynida Komplayens – xizmati Kombinat faoliyatida korrupsiyaviy xavf – xatarlarning oldini olish bo‘yicha Korrupsiyaga qarshi kurashish Agentligi bilan hamkorlikda bir qator amaliy chora tadbirlarni amalga oshirdi. Xususan, xalqaro standartlar talabi bo‘yicha 17 ichki idoraviy hujjatlar ishlab chiqilib, amaliyotga joriy etildi, Kombinatning 89 funksiyalari baholashdan o‘tkazilib, korrupsiya xavfi yuqori bo‘lgan vazifa va funksiyalaridagi korrupsiya xavfi darajasini minimallashtirish choralari ko‘rilmoqda.

Joriy yilning 5-dekabr kuni Tog‘-kon sanoati va geologiya vazirligida O‘zbekiston Respublikasi Konstitutsiya qabul qilinganining 32-yilligi hamda “9-dekabr - Xalqaro korrupsiyaga qarshi kurashish kuni“ga bag‘ishlangan aksilkorrupsiya oyligi doirasida tadbir bo‘lib o‘tdi.
Tadbirda Kon-geologiya vaziri o‘rinbosari U.Yusupov va vazir maslahatchisi M.Pirojkov, vazirlik ijro apparati xodimlari, tizim korxonalarining rahbarlari hamda korrupsiyaga qarshi komplayens xizmatlarining mas’ul xodimlari ishtirok etishdi. Tadbirda, Kombinatimiz Vazirlik tizimda ISO 37001:2016 xalqaro korrupsiyaga qarshi muvofiqlik sertifikatini qo‘lga kiritgan eng samarli tuzilmalardan biri sifatida, korrupsiyaviy omillarni o‘z vaqtida oldini olish hamda xodimlarida korrupsiyaga nisbatan murosasiz munosabatni shakllantirish, xodimlarning huquqiy ongi va madaniyatini yuksaltirishda natijalarga erishayotgani e’tirof etilib, eng samarali Komplayens tuzilma rasmiy Nishoni va Komplayens - xizmati menejeri G‘anisher Nurmatov Tog‘-Kon Sanoati va Geologiya Vazirligi rasmiy qimmatbaho qo‘l soati sovg‘asi bilan taqdirlandi.