INVESTITSIYA LOYIHALARI UCHUN ISHONCHLI POYDEVOR

Bosh sahifa / Axborot xizmati / Yangiliklar / Kundalik yangiliklar

06.08.2025 06.08.2025 148

Metallurglar servis markazining metall konstruksiyalar bo‘linmasi “O‘zmetkombinat” AJning asosiy investitsiya loyihalari uchun metall buyumlar ishlab chiqarish ustida ishlamoqda. Jumladan Quyuv-prokatlash majmuasi qurilish loyihasini amalga oshirish uchun ustunlar, to‘sinlar, fermalar, bog‘lamlar, zinapoyalar, maydonlar, favqulodda hodisalar uchun tarnovlar va qutilar, shuningdek po‘lat kovshlar uchun qopqoqlar ishlab chiqarilmoqda.

Zoldir prokatlash bo‘linmasining quvvatlarini oshirish loyihasi bo‘yicha ham Metall konstruksiyalar bo‘linmasi muhim buyurtmalarni amalga oshirmoqda. Shu maqsadda tokchalar, romlar, maydonchalar, sovutish panjaralari, himoya qopqoqlari va korpuslar ishlab chiqarilayapti. Yuqori texnologiyali uskunalar uchun mo‘ljallangan bu metall mahsulotlari bir millimetrgacha bo‘lgan aniqliqda tayyorlanmoqda.
Elektrda po‘lat eritish bo‘linmasi uchun po‘lat eritish xavfsizligi va samaradorligiga bevosita ta’sir qiluvchi qismlar – suv bilan sovutiladigan o‘choq panellari va bunker gumbazi ishlab chiqarilmoqda. Ferroqotishmalar ishlab chiqarish bo‘linmasi uchun esa qisib turadigan xalqalar, sovutilgan qoplamalar, retort qopqoqlari va koks ishlab chiqarish uchun butlamalar yetkazib berish yo‘lga qo‘yilgan.
Metall konstruksiyalar bo‘linmasida boshqa tarkibiy bo‘linmalarning buyurtmalari ham bajarilmoqda. Jumladan Issiqlikni o‘tkazmaydigan materiallar ishlab chiqarish bo‘linmasidan evakuator zanjirlari, KVO va KP kameralariga, Kon boshqarmasidan ekskavator kovshlarini mukammal ta’mirlash uchun buyurtmalar olinadi.
Har oyda hajmi va murakkabligiga qarab bo‘linmada 150 dan 250 tonnagacha metall konstruksiyalar buyurtmalar asosida tayyorlanadi. Bu shunchaki raqamlar emas, balki bu bo‘linma jamoasining kombinatni modernizatsiya qilish va rivojlantirishga qo‘shayotgan hissasini ham yaqqol ko‘rsatadi.