Ichki audit xizmati boshlig‘i lavozimiga ochiq tanlov e’lon qiladi.

Bosh sahifa / Axborot xizmati / Yangiliklar / E`lonlar

20.11.2025 20.11.2025 49

“Oʻzmetkombinat” AJ Ichki audit xizmati boshlig‘i vakant lavozimiga ochiq tanlov e’lon qiladi.

Ochiq tanlovda qatnashish uchun nomzodlardan anketa-rezyume va shaxsiy hujjatlar (diplom, pasport, mehnat daftarchasi nusxalari va fotosurat) resume@uzbeksteel.uz pochta manzili orqali 2025-yil 20-noyabrdan 2025-yil
20-dekabrga qadar qabul qilinadi.

“Oʻzmetkombinat” AJda nomzodning yuborilgan anketa-rezyumesi ijobiy xulosa uygʻotsa, anketa-rezyumeda koʻrsatilgan telefon raqami yoki elektron pochta manzili orqali bogʻlaniladi.

Tanlov 3 bosqichda oʻtkaziladi:

Birinchi bosqich:

Nomzodlar yuborgan anketa-rezyumelari va hujjatlar tegishli mas’ullar ishtirokida tanlov e’lon qilingan lavozimning malakaviy va qoʻshimcha lavozim talablariga mos kelishi boʻyicha oʻrganib chiqiladi hamda saralanadi. Vakant lavozimga mos kelgan nomzodlar keyingi bosqich – Kuzatuv kengashi huzuridagi Audit qo‘mitasi a’zolari bilan suhbatga taklif etiladi.

Ikkinchi bosqich:

“Oʻzmetkombinat” AJning Kuzatuv kengashi huzuridagi Audit qo‘mitasi a‘zolari tomonidan aksiyadorlik jamiyatlari, davlat xaridlari va auditorlik faoliyatiga doir Oʻzbekiston Respublikasining qonunchiligi, xalqaro ichki auditorlik standarti, korporativ qoidalar, moliyaviy va komplaens nazorat, iqtisodiy va boshqaruv sohasiga oid bilim va koʻnikmalari hamda mantiqiy fikrlash salohiyati birlamchi baholanadi.

Uchinchi bosqich:

Suhbatdan muvaffaqiyatli o‘tgan nomzodlar bilan “Oʻzmetkombinat” AJ tegishli mas’ullari, “Oʻzbekiston Respublikasi Iqtisodiyot va moliya vazirligi hamda “UzAssets” AJ vakillari ishtirokida onlayn shaklda suhbat oʻtkaziladi.

“Oʻzmetkombinat” AJ Ichki audit xizmati boshlig‘i vakant lavozimiga qoʻyiladigan talablar:

I. Nomzodga qoʻyiladigan malakaviy talablar:

- oliy maʼlumotga ega boʻlish (diplom mutaxassisligi boʻyicha: moliya, iqtisodiyot, pul-kredit, buxgalteriya hisobi va boshqa iqtisodiy yo‘nalishlar);

- “Katta toʻrtlik” xalqaro audit-konsalting kompaniyalarida ish tajribasiga ega boʻlish hamda “ACCA”, “CFA”, “CPA” “CIA”, “CIPA”, “DipIFR”, “CRM” yoki “FRM” sertifikatiga ega boʻlish;

- buxgalteriya hisobi va hisobotiga doir qonunchilik hujjatlari va Moliyaviy hisobotning xalqaro standarti (MHXS) hamda auditning xalqaro standartlari bo‘yicha bilim va ko‘nikmalarga ega bo‘lishi;

- ichki auditor sertifikatiga ega bo‘lish;

- yirik davlat korxonalarida ichki audit, buxgalteriya hisobi, soliq, moliya sohalarida yoki tashqi auditor lavozimida kamida besh yillik ish tajribasiga ega boʻlish.

II. Nomzodga qoʻyiladigan qoʻshimcha talablar:

- Kompaniya faoliyatiga, moliya va soliq tizimiga aloqador O‘zbekiston Respublikasi normativ-huquqiy hujjatlar mazmun-mohiyatini bilishi;

- kompyuter savodxonligi: Microsoft Word, Microsoft Excel, Microsoft PowerPoint va lavozimga aloqador qo‘shimcha dasturlarni mukammal bilishi hamda internet tarmog‘idan mustaqil foydalana olishi lozim;

- davlat tilini mukammal bilishi, xorijiy tillarni biluvchi (maxsus sertifiklarga ega) nomzodlarga ustunlik beriladi;

- zamonaviy fikrlash, sohaga oid takliflar berish hamda ularni amaliyotga joriy etish ko‘nikmasi;

- mas’uliyatlilik, vijdonlilik, tirishqoqlik, stressga chidamlik;

- 35 – 45 yosh oralig‘idagi nomzodlarga ustuvorlik beriladi.

III. Nomzoddan Ichki audit xizmatining quyidagi asosiy vazifa
va funksiyalarini bajarilishini ta’minlashga rahbarlik qilish talab etiladi:

kuzatuv kengashini ishonchli axborot bilan taʼminlash va ichki audit natijalari boʻyicha Kompaniya faoliyatini takomillashtirishga doir takliflarni tayyorlash;
ichki audit jarayonida aniqlanadigan kamchiliklarni bartaraf etish yuzasidan Kompaniya boshqaruv organlariga tavsiyalarni tezkorlik bilan kiritish, ularning bartaraf etilishini nazorat qilish;
har yili Kompaniyaning kuzatuv kengashi tomonidan tasdiqlanadigan rejaga muvofiq tegishli tekshirishlar oʻtkazish yoʻli bilan ichki auditni amalga oshirish (har chorakda va hisobot yili yakunlari boʻyicha);
buxgalteriya hisobini yuritishda va moliyaviy hisobotni tuzishda Kompaniyaning tarkibiy boʻlinmalariga metodik yordam berish, ularga moliya, soliq, bank qonunlari va boshqa qonunchilik masalalari boʻyicha maslahatlar berish;
texnik topshiriqlarni ishlab chiqishda, auditorlik tashkilotlarining takliflarini baholashda hamda auditorlik tekshirishlarini oʻtkazish uchun auditorlik tashkilotini tanlashda tavsiyalarni tayyorlashda Kompaniyaning kuzatuv kengashiga koʻmaklashish;
Kompaniyaning shuʼba xoʻjalik jamiyatlari ichki audit xizmati faoliyatini muvofiqlashtirish va zaruratga qarab ularning moliya-xoʻjalik faoliyatini nazorat qilish.

Shuningdek:

ichki audit xizmati faoliyatini tashkillashtirish, boshqarish
va muvofiqlashtirish;
ichki audit xizmati xodimlari o‘rtasida vazifalarni taqsimlash;
yillik rejani ishlab chiqish, uni kengashga tasdiqlash uchun kiritish
va undagi vazifalar bajarilishini taʼminlash;
ichki audit xizmati xodimlari tomonidan Kompaniyaning ishbilarmonlik va odobaxloq qoidalariga rioya etilishini nazorat qilish;
auditorlik tekshiruvlarining sifatli o‘tkazilishini taʼminlash maqsadida ichki audit xizmatini yetarli darajadagi bilim va malakaga ega xodimlar bilan butlash;
ichki audit xizmati xodimlarini doimiy ravishda kasbiy malakasini oshirib borilishini taʼminlash;
zarur choralar ko‘rilishi uchun auditorlik tekshiruvlari natijasida tayyorlangan hisobotlarni Kuzatuv kengashi va Audit qo‘mitasiga taqdim etish;
yillik reja ijro holatiga, shuningdek auditorlik tekshiruvlari natijasida aniqlangan qoidabuzarliklar va kamchiliklarni bartaraf etish yuzasidan ichki audit xizmati takliflarining boshqaruv va tarkibiy bo‘linmalar rahbarlari tomonidan bajarilishi bo‘yicha maʼlumotni davriy ravishda (kamida chorakda bir marta) Kuzatuv kengashi va (yoki) Audit qo‘mitasiga taqdim etilishini taʼminlash.

Hamkorlik shartlari:

Bandlik shakli: Ofisda/toʻliq bandlik;
Ishga qabul qilishda 3 oylik sinov muddati;
Ish tartibi (09:00 dan 18:00 gacha, Dushanba-juma);
Mehnat qonunchiligi doirasida ish vaqtidan tashqari ishga jalb etilishi mumkin;
Uzoq muddatli xizmat safarlariga tayyor boʻlish.

Nomzodlarga cheklovlar:

- tegishli ma’lumotning yetishmasligi;

- nomzodga nisbatan qoʻyilgan talablarga javob bermasligi;

- sudlanganlik holati.

		5.00 (1 ovoz)

	+99871 514 19 17
	+99890 998 67 20
	Ichki raqam: 17-07
	compliance@uzbeksteel.uz
	@UMK_ANTICOR_BOT

Biz haqimizda

Korporativ boshqaruv

Investorlarga

Atrof-muhit va ISTB

Ishlab chiqarish

Axborot xizmati

Aloqalar

5.00