Oʻzbekiston metallurgiya kombinatining Quyuv-prokatlash majmuasi ishga tushirildi

Bosh sahifa / Ishlab chiqarish / Quyuv-prokatlash majmuasi

13.07.2026 13.07.2026 36

Prezident Shavkat Mirziyoyev Bekobod shahriga tashrifi chogʻida Oʻzbekiston metallurgiya kombinatida barpo etilgan yangi Quyuv-prokatlash majmuasini ishga tushirish marosimida ishtirok etdi. Davlatimiz rahbari kombinat jamoasi, mehnat faxriylari va xorijiy hamkorlarni ushbu muhim voqea bilan tabrikladi. Taʼkidlanganidek, soʻnggi yillarda mamlakatimizda kon-metallurgiya sohasini yangi texnologik bosqichga olib chiqish boʻyicha keng koʻlamli islohotlar amalga oshirilmoqda. Oʻtgan oʻn yilda sohaga qariyb 2 milliard dollar xorijiy investitsiya jalb qilinib, 31 ta yirik ishlab chiqarish quvvati ishga tushirildi. Xususiy sektorga keng yoʻl ochilgani natijasida tarmoqda faoliyat yuritayotgan korxonalarning soni 150 tadan oshdi. Shu davrda mahalliy metall mahsulotlari ishlab chiqarishning yillik hajmi 3 million tonnaga, qiymati esa 23 trillion soʻmga yetdi. Taqqoslash uchun 2016-yilda 1,5 trillion soʻmlik 800 ming tonna mahsulot ishlab chiqarilgan. Ilgari asosan qurilish sohasi uchun metall prokat yetkazib bergan tarmoq bugungi kunda mashinasozlik, elektrotexnika, mudofaa sanoati va energetika kabi tez rivojlanayotgan yoʻnalishlar uchun 80 turdagi yangi mahsulot ishlab chiqarmoqda.

Prezidentimiz metallurglar mehnati Yangi Oʻzbekistonning zamonaviy qiyofasini yaratish, yirik bunyodkorlik ishlarini amalga oshirish va iqtisodiyot tarmoqlarini rivojlantirishda muhim oʻrin tutishini taʼkidladi. Mamlakatimiz iqtisodiyotini texnologik va innovatsion oʻsish modeliga oʻtkazish, yalpi ichki mahsulot hajmini 2030-yilga borib, 240 milliard dollarga yetkazish maqsad qilingan. Kelgusi besh yilda iqtisodiyotga 180 milliard dollar xorijiy investitsiya jalb qilish, 27 milliard dollarlik ijtimoiy va ishlab chiqarish infratuzilmasi loyihalarini amalga oshirish, 800 ming xonadonli koʻp qavatli uy-joylar barpo etish rejalashtirilgan. Bunday ulkan marralar metall mahsulotlariga boʻlgan talabni hozirgiga nisbatan 1,5 barobar oshiradi. Shu maʼnoda, 5,5 ming nafardan ziyod ahil va fidoyi mehnat jamoasiga ega Oʻzbekiston metallurgiya kombinatining alohida oʻrni borligi qayd etildi.Yangi Quyuv-prokatlash majmuasi kombinatda energiya tejamkor texnologiyalar va raqamli yechimlarni joriy qilish, mehnat unumdorligi va mahsulot sifatini oshirishda yangi davrni boshlab beradi. Mazkur majmua mamlakatimizda issiq prokatlangan poʻlat listlar ishlab chiqarish boʻyicha birinchi loyiha sifatida tarixdan joy oladi. Uning ishga tushirilishi natijasida yiliga 8 trillion soʻmlik 1 million tonna issiq prokatlangan poʻlat list ishlab chiqariladi. Toshkent va Samarqand metallurgiya zavodlarining prokat listlarga boʻlgan ehtiyoji toʻliq qoplanadi. Shuningdek, 1 ming 200 ta yuqori daromadli ish oʻrni yaratiladi. Davlatimiz rahbari majmuani barpo etishda ishtirok etgan quruvchi va muhandislar, texnolog va mashinistlar, ishchi-xodimlar, mehnat faxriylari hamda xorijiy hamkorlarga minnatdorlik bildirdi.

Tantanali marosimda Oʻzbekiston metallurgiya kombinatini yanada rivojlantirish boʻyicha kelgusi rejalar ham belgilab berildi. Kombinatning xomashyoga boʻlgan talabini mahalliy resurslar hisobidan taʼminlash eng ustuvor vazifa boʻlishi taʼkidlandi. Mamlakatimiz hududlarida 1,5 milliard tonna temir rudasi zaxirasi mavjud.Yaqin uch-toʻrt yilda “Tebinbuloq” konini ishga tushirish orqali yiliga 1 million tonna poʻlat ishlab chiqarish rejalashtirilgan.“Surun-ota” konidagi maʼdanlarni boyitish natijasida esa yiliga 600 ming tonna temir xomashyosi olish yoʻlga qoʻyiladi. Ushbu xomashyoni qayta ishlash uchun kombinatda qiymati 180 million dollarlik zamonaviy metallurgiya zavodi qurilishi boshlanadi.Kelgusi uch yilda 30 million dollar investitsiya hisobiga poʻlat sharlar ishlab chiqarish liniyalari bosqichma-bosqich modernizatsiya qilinib, ularning quvvati 250 ming tonnadan 500 ming tonnagacha oshiriladi.

Shuningdek, kombinat hududida “Oʻzbekiston ekologik texnologiyalar sanoat parki” tashkil etiladi.Joriy yilning oʻzida mazkur sanoat parkida katta diametrli quvurlar, koʻtarma kranlar va filtrlash uskunalarini ishlab chiqarish boʻyicha umumiy qiymati 70 million dollar boʻlgan 6 ta loyiha boshlanadi. Ularning amalga oshirilishi natijasida yana 660 ta yuqori daromadli ish oʻrni yaratiladi.Prezidentimiz metallurgiya ogʻir, ammo sharafli soha ekanini taʼkidlab, kombinat ishchi-xodimlarining mashaqqatli va fidoyi mehnati yuksak hurmat hamda tahsinga sazovorligini qayd etdi.Salkam bir asrlik tarixga ega kombinatda ustoz-shogird anʼanasi asosida faoliyat yuritayotgan mutaxassislarning bilimi, tajribasi va kasbiy salohiyati koʻplab mehnat jamoalari uchun chinakam namuna ekani taʼkidlandi.Shundan soʻng davlatimiz rahbari ramziy tugmani bosib, Quyuv-prokatlash majmuasi faoliyatiga start berdi.Soha faxriylari, kombinat xodimlari hamda xorijiy hamkorlar bilan muloqot qilindi.

		0 (0 ovoz)

SAYT XARITASI

BIZ HAQIMIZDA

KORPORATIV BOSHQARUV

INVESTORLARGA

BARQAROR RIVOJLANISH

ISHLAB CHIQARISH

AXBOROT XIZMATI

ALOQALAR

INTERAKTIV XIZMATLAR

BO'SH ISH O'RINLARI

ONLAYN KUTUBXONA

IJROIYA APPARATI

O`zbekiston Respublikasi, Toshkent viloyati, Bekobod shahri, Sirdaryo ko`chasi

Info@uzbeksteel.uz

Ishonch telefoni

+99871 913-16-02

Ofis menedjeri

	+998 71 514-14-23
	+998 71 514-13-78

ALOQALAR

Sotuv bo`limi:

	+99 890 902 71 02
	+99 871 514 16 94

Mijozlar bilan ishlash:

Info@uzbeksteel.uz

AXBOROT XIZMATI

O`zbekiston Respublikasi, Toshkent viloyati, Bekobod shahri, Sirdaryo ko`chasi

Info@uzbeksteel.uz

Korrupsiyaga qarshi kurash

Huquqbuzarliklar haqida tezkor xabar berish kanallari:

	+99871 514 19 17
	+99890 998 67 20
	Ichki raqam: 17-07
	compliance@uzbeksteel.uz
	@UMK_ANTICOR_BOT

stat.uz

Foydalanuvchi ushbu web-saytidagi axborot materiallaridan foydalanganda majburiy havolalar www.uzbeksteel.uz korporativ web-saytidan deb ko’rsatishi talab etiladi.

Savol berish

Online maslahatchi

Operator Assalomu alaykum. Sizda qanday savol bor?

Biz haqimizda

Korporativ boshqaruv

Investorlarga

Atrof-muhit va ISTB

Ishlab chiqarish

Axborot xizmati

Aloqalar

0