IS GAZIDAN EHTIYOT BO‘LING!

Ochiq ma`lumotlar

Biz haqimizda

Korporativ boshqaruv

Investorlarga

Atrof-muhit va ISTB

Ishlab chiqarish

Axborot xizmati

Aloqalar

Bosh sahifa / Axborot xizmati / Yangiliklar / Kundalik yangiliklar

IS GAZIDAN EHTIYOT BO‘LING!

30.01.2025 30.01.2025 177

Is gazi – yonuvchi modda va materiallarning (gaz, yog‘och, ko‘mir kabilar) chala yonishi natijasida hosil bo‘ladigan rangsiz va hidsiz gaz hamda zaharli modda hisoblanadi. Gaz hidini sezgan zahoti gaz avariya dispetcherlik xizmatiga xabar berish, barcha gaz kranlarini yopish, ochiq olovdan foydalanmaslik, darhol eshik va derazalarni ochib, xonani shamollatish, elektr jihozlarini yoqmaslik va o‘chirmaslik kerak.
Is gazidan zaharlanish uning havodagi ta’sir muddatiga bog‘liq bo‘ladi va ular yengil, o‘rta va og‘ir darajada bo‘ladi. Bunday hollarda bosh qattiq og‘rib, qusish, hushdan ketish kuzatiladi hamda nafas olish sekinlashadi. Ba’zan o‘lim holatiga olib keladi.
Barcha holatdagi og‘ir zaharlanishlarda zudlik bilan tez tibbiy yordam chaqirish zarur. Shifokor yetib kelgunga qadar quyidagilarni amalga oshirish kerak:
Is gazidan zaharlanganda birinchi yordam ko‘rsatish zaharlangan odamning hayotini saqlab qolishda nihoyatda muhim. Avvalo, gaz tarqalgan joydan jabrlanuvchini tezlik bilan toza havoga olib chiqish kerak. Jabrlanuvchi hushidan ketgan bo‘lsa, nashatir spirtini hidlatish, sun’iy nafas berish, tanani ishqalash, issiq choy va kofe ichirish va albatta, tez tibbiy yordamni chaqirish kerak.
Tahlillarga ko‘ra, is gazidan zaharlanish holatlarining aksariyati quyidagi sabablarga ko‘ra yuzaga kelmoqda:
Gaz va muqobil yoqilg‘i (ko‘mir, o‘tin va boshqa) turlaridan foydalanishda xavfsizlik qoidalariga rioya etmaslik;
Qo‘lbola yasalgan isitish pechlari va anjomlaridan foydalanish;
Isitish pechlarining dudburonlarini noto‘g‘ri o‘rnatish;
Gaz yoki boshqa muqobil yoqilg‘iga moslashtirilgan isitish pechlari hamda suyultirilgan uglevodorod gaz balonlarini dam olish xonalariga olib kirish;
Havo almashmaydigan xonalarni isitishda ochiq olov (ko‘mir va o‘tin cho‘g‘lari)dan foydalanish;
Havoni almashtiruvchi shamollatish tuynuklarni berkitib qo‘yish;
Yuqorida ko‘rsatib o‘tilgan sabablarga ko‘ra isitish uchun foydalanilayotgan yoqilg‘i (gaz, ko‘mir, o‘tin va boshqa)ni chala yonishi natijasida is gazi hosil bo‘ladi. Bunday sabablarning kelib chiqishiga yo‘l qo‘ymang. Is gazidan zaharlanishdan ogoh bo‘ling.
Har bir yurtdoshimiz is gazi xavfidan ogoh bo‘lishi va bunga jiddiy e’tibor qaratishi, isitish moslamalaridan to‘g‘ri foydalanishi, eng muhimi, yuqoridagi sabablarning kelib chiqishiga yo‘l qo‘ymasligi lozim.

Javlon UMIRZOQOV,
“O‘zmetkombinat” AJ ob’ektlarini yong‘indan muhofaza qiluvchi Yong‘in xavfsizligi bo‘limi katta inspektori, serjant.

		0 (0 ovoz)