“FITCH RATINGS”

Ochiq ma`lumotlar

Biz haqimizda

Korporativ boshqaruv

Investorlarga

Atrof-muhit va ISTB

Ishlab chiqarish

Axborot xizmati

Aloqalar

Bosh sahifa / Axborot xizmati / Yangiliklar / Kundalik yangiliklar

“FITCH RATINGS”

27.02.2025 27.02.2025 216

“O‘ZBEKISTON METALLURGIYA KOMBINATI” AKSIYADORLIK JAMIYATI “FITCH RATINGS” XALQARO REYTING AGENTLIGI TOMONIDAN EMITENTNING UZOQ MUDDATLI DEFOLT REYTINGINI “BB-” DARAJASIDAN “B+” DARAJASIGA QAYTA KO‘RIB CHIQQANLIGINI HAMDA PROGNOZNI “SALBIY” DARAJADAN “BARQAROR” DARAJAGA YAXSHILAGANLIGINI MA’LUM QILADI

O‘zbekistonda qora metallurgiya mahsulotlari ishlab chiqarishning yetakchi korxonasi bo‘lgan “O‘zbekiston metallurgiya kombinati” aksiyadorlik jamiyati (RSE: UZMK) (bundan keyin - "O‘zmetkombinat" AJ, Kompaniya) Fitch Ratings (bundan keyin - Agentlik) tomonidan emitentning uzoq muddatli defolt reytingi “Salbiy” darajadan “Barqaror” darajaga yaxshilangan holda “BB-” darajadan “B+” darajagacha qayta ko‘rib chiqilganini ma’lum qiladi.

Fitch Ratings hisobotiga ko‘ra, “O‘zmetkombinat” AJ reytingining qayta ko‘rib chiqilishi, asosan, qarz yukining Agentlik tomonidan Kompaniyani reytinglash doirasida qo‘llaniladigan chegaraviy qiymatlardan yuqori darajada uzoqroq saqlanib qolishi bilan bog‘liq bo‘lib, bunga jahon qora metallurgiya bozoridagi bozor konyunkturasining yomonlashuvi sezilarli darajada ta’sir ko‘rsatdi. 2024-2025-yillarda noqulay bozor sharoitlari fonida bir qator po‘lat quyish korxonalari ham xalqaro reyting agentliklari tomonidan kredit reytinglari va prognozlarining pasayishiga duch keldi. 2025-yilda Moody’s Ratings xalqaro reyting agentligi Braziliyaning Companhia Siderurgica Nacional kompaniyasi hamda uning sho‘ba korxonalari CSN Inova Ventures va CSN Resources S.A.ning uzoq muddatli kredit reytingini “Salbiy” darajadan “Barqaror” darajaga o‘zgartirib, “Ba2” darajadan “Ba3” darajaga tushirdi. Shunga o‘xshash harakat ilgari S&P Global Ratings xalqaro reyting agentligi tomonidan Companhia Siderurgica Nacional kompaniyasiga nisbatan 2024-yil dekabr oyida reyting prognozini "Salbiy" darajadan “Barqaror” darajaga qayta ko‘rib chiqish orqali kompaniyaning kredit reytingini “BB” darajadan “BB-” darajaga tushirish bilan amalga oshirilgan edi. 2024-yilda Xitoyda joylashgan Taiyuan Iron & Steel (Fitch Ratings: A), Baowu Steel Group Corporation Limited (Fitch Ratings: A+) va uning sho‘ba korxonasi Baoshan Iron & Steel Co. Ltd. (Fitch Ratings: A+), shuningdek, Hindistonning Tata Steel Limited (Fitch Ratings: BBB-) reyting prognozlari “Barqaror” darajadan “Salbiy” darajaga tushirildi. 2024-yil dekabr oyida Xitoyning Guangyang Antai (Fitch Ratings: B, 2024-yil 6-dekabrgacha barqaror) kompaniyasi reyting jarayonlarida ishtirok etishni to‘xtatishga qaror qildi, bu esa uning kredit reytingi bekor qilinishiga olib keldi.

Hozirgi vaqtda “O‘zmetkombinat” AJ Quyuv-prokat majmuasini (bundan keyin – Loyiha) qurish bo‘yicha strategik loyihani amalga oshirishning yakuniy bosqichida bo‘lib, uning tayyorlik darajasi, salbiy bozor omillariga qaramay, 2024-yil uchun 65 foizdan 90 foizdan ko‘proqqa oshdi. Loyiha tayyor mahsulotlarning umumiy quvvatini ikki baravarga oshirish bilan yiliga 2,1 million tonnagacha yetkazish imkonini beradi, Kompleksning o‘zi esa 2025-yilning ikkinchi choragida foydalanishga topshirilishi kerak, bu esa Fitch Ratings kutilmalariga ko‘ra, 2026-yilda Kompaniyaning qarz yukini 3,4 baravargacha va keyinchalik 2027-yilda 3,0 baravardan past darajaga sezilarli darajada kamaytirishga olib keladi. Fitch Ratings ma’lumotlariga ko‘ra, Loyiha yakunlanishining 90 foizdan ortiq yuqori darajasiga erishilganligini hisobga olgan holda amalga oshirish xatarlari kamaytirildi. Agentlikning ta’kidlashicha, Loyihani amalga oshirish orqali Kompaniya O‘zbekiston Respublikasida import mahsulotlari o‘rnini bosuvchi yagona yirik yassi prokat ishlab chiqaruvchisi bo‘ladi. Quyuv-prokat majmuasini qurishdan tashqari, “O‘zmetkombinat” AJ tomonidan ishlab chiqarish quvvatlarini oshirish va xomashyo manbalarini diversifikatsiya qilishga hissa qo‘shadigan yana bir qator yirik investitsiya loyihalari amalga oshirilmoqda. “Po‘lat zoldirlar prokati sexi quvvatini yiliga 500,0 ming tonnaga yetkazish”, “Yiliga 990,0 ming tonna ishlab chiqarish quvvatiga ega to‘g‘ridan to‘g‘ri tiklangan temir ishlab chiqarish fabrikasini qurish” va boshqalar shular jumlasidandir.

Fitch Ratings hisobotiga ko‘ra, Quyuv-prokat majmuasini qurish loyihasini yakunlash hisobiga ishlab chiqarish quvvatlarining o‘sishi fonida umumiy qarz/EBITDA qarz yuki ko‘rsatkichining pasayishi, likvidlikning yaxshilanishi, davlat bilan aloqalarning mustahkamlanishi ijobiy reyting harakatiga olib kelishi mumkin.

Batafsil ma’lumotni Fitch Ratings rasmiy saytida https://www.fitchratings.com/research/corporate-finance/fitch-downgrades-uzbek-metallurgical-plant-idr-to-b-stable-outlook-26-02-2025 havolasi orqali o‘qishingiz mumkin.

Ma’lumot uchun: Fitch Ratings agentligi Moody’s va Standard & Poors bilan bir qatorda yetakchi xalqaro reyting agentliklari uchligiga kiradi. 1913-yilda tashkil etilgan, shtab-kvartirasi Nyu-York shtatida (AQSH) joylashgan.
Ma’lumotnoma:

“O‘zmetkombinat” AJ O‘zbekistondagi qora metallurgiya sanoatining yetakchisi bo‘lib, 1944-yildan boshlab o‘z tarixini boshlagan. Kombinat yiliga 1 million tonnadan ortiq prokat ishlab chiqarish quvvatiga ega, shuningdek, 2021-2026-yillarda ishlab chiqarish quvvatini yiliga 2,2 million tonnaga yetkazish maqsadida keng ko‘lamli investitsiya dasturi amalga oshirilmoqda. Korxonada 10 mingdan ortiq kishi ish bilan ta’minlangan bo‘lib, mahsulot mamlakatimizning barcha hududlarida sotiladi va dunyoning turli mamlakatlariga, shu jumladan Yevropaga eksport qilinadi. Kombinat aksiyalarining 90 foizdan ortig‘i davlatga tegishli. Aksiyalarning katta qismi “Toshkent” RFBda muomalada – kombinatning oddiy va imtiyozli aksiyalari yuqori likvidli maqomiga ega.

		5.00 (4 ovoz)