"O‘zmetkombinat" AJ Boshqaruv raisi – Bosh direktor Dilshod Axmedovning bayram tabrigi

Bosh sahifa / Axborot xizmati / Yangiliklar / Rahbariyatning chiqish va bayonotlari

08.03.2025 08.03.2025 168

Aziz opa-singillar!

Sizlarni 8-mart – Xalqaro xotin-qizlar kuni bayrami bilan kombinat boshqaruvi va shaxsan o‘z nomimdan chin qalbimdan tabriklayman!

Xotin-qizlarning jamiyatda, oilada, mehnat jamoalarida tutgan o‘rni beqiyos. Onaxonlarimiz va opa-singillarimizdan aql-zakovatlari, tuganmas mehri va fidokorona mehnatlari, fidoyiliklaridan juda minnatdormiz.

“O‘zmetkombinat” AJda mehnat qilayotgan xotin-qizlar yuqori malakali mutaxassislar bo‘lish bilan birga faol jamoatchi, yaxshi uy bekasi, dono va mehribon ona hamdir.

Bugun Sizlar turli sohalarda – rahbarlik lavozimlaridan tortib ishlab chiqarish bo‘linmalarida turli mas’uliyatli kasb va vazifalarda fidokorona mehnat qilayapsizlar. Sizlarning bilimingiz, matonatingiz va fidoyiligingiz korxonamiz mavqeini mustahkamlash, metallurgiya sanoati va butun mamlakatimiz iqtisodiyotini rivojlantirishga xizmat qilmoqda.

Ishlab chiqarishning eng “qaynoq” joylarida mehnat qilayotgan ayollarga alohida minnatdorchilik bildirmoqchiman. Sizlar fidoyilik va kasbga sadoqat namunasi, hurmat va hayratga loyiqsiz. Sizlarning mehnatingiz tufayli kombinatimiz nafaqat mamlakat metallurgiyasi bayroqdori bo‘lib qolmoqda, balki yangi texnologiyalarni o‘zlashtirib, ekologik toza ishlab chiqarish tamoyillariga e’tibor qaratgan holda dadil olg‘a bormoqda.

Bu bayram sizlarga quvonch, baxt-saodat olib kelsin! Oilangizda doimo tinchlik-xotirjamlik, farovonlik hukm sursin! Ishingizdagi muvaffaqiyatlar bizni yangi marralar sari chorlasin! Sizlarga sihat-salomatlik, omad, to‘kin dasturxon va barcha ezgu orzularingiz amalga oshishini tilayman!

Dilshod AXMEDOV,

“O‘zmetkombinat” AJ Boshqaruvi raisi – Bosh direktor.