NAZARIY BILIMLAR AMALIYOTDA MUSTAHKAMLANMOQDA

Bosh sahifa / Axborot xizmati / Yangiliklar / Kundalik yangiliklar

02.02.2024 06.02.2024 798

Kombinatimizda ishchi-xodimlarning kasbiy malakalarini oshirish, bilim va ko‘nikmalarini mustahkamlab borishga katta e'tibor qaratilgan. Bu esa o‘z navbatida sifatli mahsulotlar ishlab chiqarishda muhim omillardan biri hisoblanadi. Ushbu tashkil etilgan 80 soatlik qayta tayyorlash kursida kombinatimizning bir qator tarkibiy bo‘linmalaridan jami 26 nafar ishchi-xodim ishtirok etmoqda.

Tinlovchilarga nazariy va amaliy mashg‘ulotlar murabbiylari etib kombinatning tajribali mutaxassislari jalb qilindi. Jumladan, maxsus texnologiya bo‘yicha Ijroiya apparati Sanoat xavfsizligi boshqarmasining Yuk ko‘tarish mexanizmlarini nazorat qilish bo‘yicha 2-toifali muhandisi Nodir Aripov hamda yong‘in xavfsizligi va xavfsizlik texnikasi bo‘yicha mashg‘ulotlarni Ijroiya apparati SXB mehnat muhofazasi bo‘limi boshlig‘i Gulmira Tashmatovalar yuqori saviyada olib bormoqdalar. Amaliy mashg‘ulotlar Elektr uskunalarini ta'mirlash bo‘linmasida elektr uskunalarini ta'mirlash bo‘yicha usta Ulug‘bek Norqo‘ziyev, Temir-tersaklarni qayta ishlash bo‘linmasida uskunalarni ta'mirlash bo‘yicha usta (yuk ko‘tarish kranlari, mashina va mexanizmlari) Elmurod Djurayev va Navli prokatlash bo‘linmasida mexanik uskunlarni ta'mirlash bo‘yicha katta usta Hasan Radjamatovlar tomonidan o‘tkazilyapti.

Tashkil etilgan o‘quv kursida qatnashayotgan tinglovchilar sohaga oid nazariy bilimlarini amaliyotda mustahkamlab borishmoqda. O‘zlarini qiziqtirgan savollarga mutaxassislar tomonidan batafsil javoblar olishmoqda. Qayta tayyorlash kursi yakunida imtihonlarni muvaffaqiyatli topshirgan ishchi-xodimlarga guvohnomalar beriladi.