TARIXGA BIR NAZAR

Bosh sahifa / Axborot xizmati / Yangiliklar / Kundalik yangiliklar

TARIXGA BIR NAZAR

23.08.2025 23.08.2025 25

2001-yil avgust oyida "O‘zmetkombinat" aksiyadorlik jamiyati hayotida tarixiy ahamiyatga ega voqea sodir bo‘ldi: 120 mm diametrga ega bo‘lgan po‘lat zoldirlarini ishlab chiqarishga mo‘ljallangan zamonaviy stan ishga tushirildi va birinchi mahsulot — 1,5 tonnadan iborat ilk mahsulot muvaffaqiyatli ravishda ishlab chiqarildi.

Bu muhim voqelik kombinat rivoji yo‘lidagi navbatdagi qadam, yuksak texnologik salohiyat va ishlab chiqarish imkoniyatlarining amaldagi ifodasiga aylandi. Birinchi sharlarning sifati va texnik parametrlari to‘liq ravishda Davlat standartlari talablariga javob berdi. Bu esa "O‘zmetkombinat"dagi mutaxassislar va muhandis-texnik xodimlar mehnatining samarali va yuqori darajada tashkil etilganini yana bir bor tasdiqladi.
Yangi stanning ishga tushirilishi korxona iqtisodiy qudratini mustahkamlash bilan birga, mamlakatimiz sanoati rivojiga ham salmoqli hissa bo‘lib kirdi.
Ushbu loyiha orqali strategik ahamiyatga ega bo‘lgan yana bir masala o‘z yechimini topdi — Olmaliq kon-metallurgiya kombinati va Navoiy kon-metallurgiya kombinati uchun kerakli bo‘lgan po‘lat zoldirlarga bo‘lgan ehtiyoji qondirildi.

Bu esa, o‘z navbatida, mamlakat iqtisodiyoti uchun katta miqdordagi valyutani tejash, mahalliy ishlab chiqarish salohiyatini oshirish va ichki imkoniyatlarni to‘liq ishga solish imkonini berdi.